MATTHAI 5:22 - Lai (Hakha) Common Language Bible 2006

²² Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

Laibaibal Thiang (BSI)

²² Asinain a chan um lo i a unau cungah a thin a hungmi pauh cu ṭih a nungmi biaceihnâk ah chuahpi an si lai. A unau sinah, ‘mimolhpa’ a timi pauh cu biaceihnâk sângah chuahpi an si lai, ‘mihrutpa’ a timi pauh zong ṭih a nungmi hell mei ah a kal lai, kan ti hna.

MATTHAI 5:22 ပူးပေါင်းရင်းမြစ်များ

GENESIS 37:4

An pa nih annih nakin Josef a dawt deuh kha a unau hna nih cun an hmuh tikah an huat ngaingai i a chawnh hmanh ṭhiṭha in an chawn duh lo.

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

2 SAMUEL 16:7

Cun chiat a serh pah cun Shimei nih khan, “Va lo ko, va lo ko, nang thisen chuah hmangpa, nang zei ṭhahnem lopa!

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

1 SIANGPAHRANG 21:4

Cun Naboth nih Ahab cu, “Ka pupa hna ro cu kan pe lai lo,” tiah a sin i a timi bia ruangah khan, Ahab cu thinhung le hmaichia in a inn chungah a lut. Cun a ihkhun ah a it i khattelei kha a hoi i rawl ei kha a duh lo.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

2 CHANRELNAK 19:5

Judah ram chung i kulhmi khua dihlak ah khan, khua khat hnu khua khat in, biaceihtu a chiah hna i,

NEHEMIAH 5:8

ka thawh hna i, “Kannih nih kan celh khawh chungin miphun dang hna sinah zuarhmi kan unau hna cu kan cawk hna; sihmanhsehlaw nannih nih cun nan unau hna cu nan zuarh hna i kanmah nih kan cawk ṭhan hna a herh lai,” ka ti. Annih cu cipkhap ti loin an um i biachim awk pakhat hmanh an hngal lo.

SALM 109:3

An ka congoih, thil dawhcah lo ka tuahmi zeihmanh a um lo nain sual an ka puh.

SALM 14:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah; ahmaanmi thil a tuahmi ahohmanh an um lo.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

SALM 35:19

Khi milihchim hna, ka ral hna khi, ka sungh ruangah an di riamhter hna hlah; sullam um loin a ka huami hna khi ka ngaihchiatnak an hmuh ruangah mit diriam in umter hna hlah.

SALM 37:8

Thinhung in um hlah u, hrut sual hlah u! Lung rethei in um hlah u! Cu nih cun zeihmanh an ṭhathnem hna lai lo.

SALM 49:10

Hihi philh hlah: mifim zong mihrut bantukin an thi ve ko lai i an chaw le an va cu an fale kha an roh ve ko hna lai.

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

SALM 7:4

hawikom rawi le zei ruangah ti awk um set loin ral cungah ṭhat lonak tuah hi, hi hna lakah hin pakhatkhat ka tuah a si ahcun,

SALM 92:6

Mihrut nih an hngalh khawh lo i lungtlawmmi nih an theihthiam khawh lomi cu,

PHUNGTHLÛKBIA 14:16

Mifim cu ralring tein a um i ṭhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

PHUNGTHLÛKBIA 18:6

Mihrut mi hmur nih cun siknak a chuahpi, a kaa nih fung tuknak a sawm.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

ṬAHNAK HLA 3:52

Zeiruanglo ah ka ral a simi hna nih Va bantukin an ka dawi;

DANIEL 3:13

Cu tikah Nebukhadnezzar nih cun a thinhun le a thinlinh in Shadrak le Meshak le Abednego cu va ko hna u, a ti i annih cu siangpahrang hmaika ah an hun chuahpi hna.

DANIEL 3:19

Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.

OBADIAH 1:10

“Nangmah nih na unau a simi Jakob tefa hna kha na ramh hna i na thah hna caah Nangmah cu zungzal in hrawh le ningzahnak pek na si lai.

OBADIAH 1:12

Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh awk hna zong a si fawn lo.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 18:21

Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.

MATTHAI 18:35

“Nannih nih nan u nan nau kha nan lungchung taktak in nan ngaihthiam hna lo ahcun cu bantuk cun vancung khua i a ummi ka Pa nih nannih zong cu an tuah ve hna lai,” tiah a ti hna.

MATTHAI 23:15

Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

MATTHAI 5:34

Sihmanhsehlaw atu cu hihi kan chimh hna: Biakamnak nan tuah tikah chiatser biahrennak zeihmanh tuah hlah u; vancung khua chalh in chiatser hlah u, zeicahtiah vancung khua cu Pathian ṭhutnak a si;

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

MARKA 14:55

Tlangbawi upa hna le biaceihtu hna nih cun Jesuh cu thihnak daan pek khawhnak ding caah a sual kawl an i zuam, sihmanhsehlaw zeihmanh an hmu kho lo.

MARKA 15:1

A thaizing zingkate ah tlangbawi upa hna cu haotu upa hna le phungbia cawnpiaktu saya hna le biaceihtu vialte hna he khan hnawhsare in an i pum i khua an khang. Jesuh cu thir cikcin in an khih i an kalpi i Pilat kut chungah khan an pek.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

LUKA 22:66

Khua a dei tikah Judah mi upa hna le tlangbawi upa pawl hna le Phungbia cawnpiaktu saya hna kha an i pum i an hmaiah cun Jesuh cu an chuahpi.

JOHAN 11:47

Cucaah Farasi mi hna le tlangbawi upa pawl kha Khawngsil pawl he khan an i pum i, “Zeitindah kan tuah lai? Hi pa nih hin hmelchunhnak tampi a tuah ṭung.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

JOHAN 7:20

Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 22:30

Ralkapbu haotu nih cun Judah mi nih Paul hi zei sette dah an puh ti kha hngalh a duh caah a thaizing ah cun Paul cu a thir cikcin kha a phoih i tlangbawi upa hna le khawngsil pawl kha i pum u tiah nawl a pek hna. Cun Paul cu a kalpi i an hmaiah khan a dirter.

LAMKALTU 23:1

Khawngsil pawl cu Paul nih dengteo in a zoh hna i, “Ka u le ka nau hna, nihin ni hrimhrim tiangin Pathian hmaika i ka nunning ah ka chiaṭha thleidannak lungthin a thiang,” tiah a ti.

LAMKALTU 24:20

Asiloah hika i a ummi hna nih hin biaceihnak khawngsil hmai i ka dir lioah khan zeital sualnak ka tuah maw chim tuah hna seh,

LAMKALTU 4:15

Cucaah, biaceihnak hmun khan chuak u, an ti hna i anmah lawngin an run i ceih.

LAMKALTU 5:21

A bia cu lamkaltu hna nih khan an ngaih i khua a dei cangka tein biakinn chungah khan an lut i mizapi cu an cawnpiak hna. Tlangbawi Ngan le a hawile hna kha an ra i Sanhedrin khawngsil pumhnak kha an tuah, cucu Israel miphun khawngsil a ningpi in i pumhnak kha a si; cun lamkaltu hna kha kan hmaiah rak chuahpi hna u, tiin thonginn ah khan mi an hei thlah hna.

LAMKALTU 5:27

Lamkaltu hna kha an run luhpi hna i khawngsil hmaiah khan an dirter hna i Tlangbawi Ngan nih khan kherhlai hram a thawk hna.

LAMKALTU 6:12

Cuticun mizapi le upa hna le Phungbia cawnpiaktu saya hna kha an tuai hna. Steven cu an fuh i an tlaih i khawngsil hmaiah an chuahpi.

LAMKALTU 6:15

Khawngsil chung i a ṭhumi vialte hna nih khan Steven cu dengteo in an zoh i a hmai cu vancungmi hmai bantuk a si kha an hmuh.

LAMKALTU 7:37

Israel mi sinah, ‘Pathian nih keimah a ka thlah bantukte hin profet pakhat an thlahhnawh te hna lai i amah cu nanmah chungmi a si lai,’ a ti, tiah a rak titu kha Moses cu a si.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

1 KORIN 6:6

Nannih nih cuticun tuah loin, unau le unau cu taza nan i cuai i a zum lomi tu kha nan biathlektu ah nan hman hna.

DEUTERONOMI 15:11

Zeitintiah sifakmi hna cu nan ram chungah an dong bal lai lo; cu caah hi nawlbia cu kan pek hna, ram chung i a ummi nan unau, sifak le retheimi hna cu nan kut kaupi in nan samhpiak hna lai.

DEUTERONOMI 16:18

“Bawipa nan Pathian nih an pekmi hna nan khua dihlak chungah, nan phun ning cio ah, biaceihtu hna le bawi hna kha nan chiah hna lai i mi kha dinnak biaceihnak in bia an ceih hna lai.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

TITAS 3:2

Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1JOHAN 2:9

Ahohmanh ceunak chungah ka um a ti i a unau a hua ṭungmi cu, atu tiang hrimhrim hin, muihnak chungah a ummi a si ko.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.

BIAPHUAN 20:14

Cun thihnak le mithi khua cu mei tili chungah khan an paih hna. (Hi mei tili hi thih voi hnihnak cu a si).