MATTHAI 5:19 - Lai (Hakha) Common Language Bible 2006

¹⁹ Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

Laibaibal Thiang (BSI)

¹⁹ Cucaah hi Nawlpêkmi lak i a hmebik hmanh a buar i midang zong a buartertu pauh cu vanbawi pennâk ah mi hme bik an ti lai; asinain mizei pauh zulin, midang a cawnpiaktu cu vanbawi pennâk ah mingan an ti lai.

MATTHAI 5:19 ပူးပေါင်းရင်းမြစ်များ

SALM 119:128

Cucaah cun na cawnpiaknak kha ka zulh hna i lam hmaanlo vialte kha ka huat hna.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

MATTHAI 11:11

Hihi i cinken hmanh u: nu chungin a chuakmi lakah vawlei cungah hin Johan tlukin a nganmi ahohmanh an um lo; sihmanhsehlaw Vancung Pennak chung i a ummi hna lak i a hme bik hmanh Johan nakin a ngan deuh.

MATTHAI 19:28

Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

MATTHAI 20:26

Sihmanhsehlaw nannih cu cuticun nan si awk a si lai lo. Nan lak i pakhat khat nih ngan a duh ahcun nan sinum a si awk a si.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

LUKA 11:42

“Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

LAMKALTU 1:1

Ka dawtmi Theofilas: Ka cauk hmasa u ah khan Jesuh nih rianṭuan hram aa thawk ri in vancung i lak a si ni tiang

ROM 3:8

“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

ROM 6:1

A si ahcun zeitindah kan ti lai? Pathian vel cu karh chinchin seh tiah sualnak cu kan tuah chin lengmang lai maw?

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 27:26

“ ‘Hi phungbia a dirpi lo i a zul lomi cu chiat seh,’ tiah an thanh lai. Cun mi vialte nih, ‘Amen’ an ti lai.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

1JOHAN 3:4

Sualnak a tuahmi paoh nih Pathian nawl a buar a si; zeicahtiah sual cu nawl buar a si.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.