MATTHAI 5:16 - Lai (Hakha) Common Language Bible 2006

¹⁶ Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

Laibaibal Thiang (BSI)

¹⁶ Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

MATTHAI 5:16 ပူးပေါင်းရင်းမြစ်များ

EXODUS 34:35

a hmai a ceu cu annih nih khan an hmuh. Cun Bawipa he bia i ruah awk i a kal ṭhan hlantiang a hmai cu aa khuh ṭhan tawn.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

ISAIAH 58:8

“Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 23:9

Cun vawlei cungah hin ahohmanh, “Ka Pa,” tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi a si.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

MATTHAI 9:8

Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

LUKA 11:2

Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

1 KORIN 14:25

A lungchung in a thli tein a ruahmi thil kha an hung lang lai i kun in Pathian kha a biak lai i, “Nan sinah hin Pathian a um taktak,” a ti lai.

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

GALATI 1:24

keimah ruangah cun Pathian kha an thangṭhat.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

EFESA 5:8

Nanmah hrimhrim zong kha muihnak chungah khua nan rak sa, sihmanhsehlaw Bawipa mi nan si cang caah ceunak chungah nan um. Cucaah ceunak mi a simi bantukin nan um awk a si.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

1TIMOTE 2:10

Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 5:25

Cu bantukin thil ṭha tuahmi hi fiang tein an lang ve ko i a lang kho rih lomi zong thuh khawh an si lo.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

TITAS 3:4

Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil ṭha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.