MATTHAI 4:9 - Lai (Hakha) Common Language Bible 2006

⁹ “Na khuk naa bil i na ka biak ahcun hi vialte hi kan pek dih lai,” tiah a ti.

Laibaibal Thiang (BSI)

⁹ Cun a sinah, “Bawk in naka biak ahcun, hi vialte hi kan pêk lai,” tiah a ti.

MATTHAI 4:9 ပူးပေါင်းရင်းမြစ်များ

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

PHUNGTHLÛKBIA 8:15

Keimah thawngin siangpahrang nih uktu bawi an si i keimah thawngin uktu hna nih a dingmi phunglam kha an ser hna.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

MATTHAI 26:15

“Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawm thum kha an rel i an pek.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 16:11

cun hi vawlei uktupa hi a bia ceih a si cang caah hin biaceihnak kong ah an palh.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

1TIMOTE 3:6

Khrihfa a cannak a naimi a si lai lo, zeicahtiah a hnar a puar sual lai i Khuachia kha sualphawt a rak si bantuk khan sualphawt a si ve sual lai.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.