MATTHAI 4:6 - Lai (Hakha) Common Language Bible 2006

⁶ Cun a thawh i, “Nangmah cu Pathian Fapa na si ahcun, vawlei ah khin vung zuang tuah; zeicahtiah Cathiang nih pei, ‘Pathian nih nangmah kong ah a vancungmi kha nawl a pek hna i annih nih an kut in an in cawi lai i na ke cu lung ah naa khawng lai lo,’ a ti kha,” tiah a ti.

Laibaibal Thiang (BSI)

⁶ A sinah, “Pathian Fapa na si ahcun vung zuang tuah, “Zeitintiah nangmah kongah a vanmi a thlah hna lai i na ke lungah nâ khawn nâkhnga lo an kutin an in cawi lai,’ tiah ṭial a si,” tiah a ti.

MATTHAI 4:6 ပူးပေါင်းရင်းမြစ်များ

JOB 1:10

Amah le a inn le a ngeihmi vialte cu hau in na kulh hna lo maw? Nangmah nih a kut rianṭuannak cu thluachuah na pek i ram chungah hin a ngeihmi thil cu an karh.

JOB 5:23

Lo chung lung hna nih cun hna an in hnawh lai lo i lo chung sahrang hna he cun rem tein nan um lai.

SALM 34:20

Bawipa nih him tein a zohkhenh i a ruh pakhat hmanh a kiak lo.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

MATTHAI 4:4

Jesuh nih cun, “Cathiang nih pei, ‘Minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,’ a ti kha,” tiah a ti.

2 KORIN 11:14

Cucu khuaruahhar awk a si lo, zeicahtiah Satan hmanh nih pei ceunak vancungmi bantuk aa siter khawh cu.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.