MATTHAI 3:4 - Lai (Hakha) Common Language Bible 2006

⁴ Johan hnipuan cu kalauk hmul in tahmi an si; a tai ah saphaw taisawm aa sawmh i khaubawk le khuaihliti in aa cawm.

Laibaibal Thiang (BSI)

⁴ Johan cu kalauk hmul in â thuam i a taisawm cu saphaw a si; a rawl cu khaubawk le ram khuaihliti a si.

MATTHAI 3:4 ပူးပေါင်းရင်းမြစ်များ

2 SIANGPAHRANG 1:8

Annih nih an leh i, “Sahmul puan aa aih i a tai ah saphaw taisawm aa sawmh,” tiah an ti. Cun anih nih, “Tishbemi Elijah kha a si cu ta,” tiah a ti.

ISAIAH 20:2

Cu hlan kum thum ah khan Bawipa nih Amoz fapa Isaiah cu, naa hrukmi khum puan le na kedan kha i phoih hna, tiah a rak ti. Bawipa nih a chimh bang cun, taklawng le kelawng in aa chawk.

LEVITIKAS 11:22

Cu hna chungah cun, khauzik phun kip, khuangbai phun kip, buṭit phun kip, le khaubawk phun kip cu nan ei khawh hna lai.

ZEKHARIAH 13:4

Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

MALAKHI 4:5

A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

MATTHAI 11:18

Johan cu a ra i rawl a ul i zu zong a ding lo, asinain a mi kip nih, ‘Khuavang a ngei,’ an ti.

MATTHAI 11:8

Zei ko dah zoh awkah nan va kal? Puan dawhdawh in aa thuammi hna zoh awkah maw? Puan dawhdawh in aa thuammi cu bawi inn ah pei an um tawn cu!

MARKA 1:6

Johan cu kalauk hmul in tahmi hnipuan kha aa hruk i a tai ah saphaw taisawm aa sawmh, khaubawk le khuaihliti in aa cawm.

LUKA 1:17

Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti.

DEUTERONOMI 32:13

Vawlei hmunsang cungah a citter i Lo in a chuakmi thil kha a eiter hna; Lungpi chungin khuaihliti le Ṭeklung chungin chiti kha a dawpter hna.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.