MATTHAI 3:11 - Lai (Hakha) Common Language Bible 2006

¹¹ Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

Laibaibal Thiang (BSI)

¹¹ Kei nih ngaihchih hmelchunhnâk caah ti in baptisma kan pêk hna, ka hnu i a ra laimi cu keimah nâkin a ngan deuh, a kedan putu hmanh ah kâ tlâk lo. Amah nih Thiang Thlarau le mei in baptisma an pêk hna lai.

MATTHAI 3:11 ပူးပေါင်းရင်းမြစ်များ

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MATTHAI 3:6

an sualnak kha an i phuang i Jordan tiva ah khan tipilnak a pek hna.

MARKA 1:4

Cucaah Johan cu ramlak ah khan a hung chuak i mi kha tipilnak a pek hna i phung kha a chimh hna. “Nan lung i thleng u law tipilnak kha ing tuah u; cun Pathian nih nan sualnak kha an ngaihthiam hna lai,” tiah a ti hna.

LUKA 1:17

Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti.

LUKA 3:16

Cucaah Johan nih cun an dihlak in a thawh hna i, “Kei nih cun tiin tipilnak kan pek hna, sihmanhsehlaw keimah nakin a ngan deuh ngaingaimi a ra lio. A kedan hri phoihtu hmanh ah kei cu kaa tlak lo. Amah nih cun Thiang Thlarau le mei in tipilnak an pek hna lai.

LUKA 3:3

Cucaah Jordan tiva hrawn hrawngah khan Johan cu aa chawk i, “Nan nun ṭhin u law tipilnak ing u. Cun Pathian nih nan sualnak an ngaihthiam hna lai,” a ti hna i

JOHAN 1:15

Johan nih amah kong cu a rak chim i, “ ‘Amah cu ka hnu in a rami a si, sihmanhsehlaw ka chuah hlan in a rak um cangmi a si caah keimah nakin a ngan deuh,’ tiah ka rak in chimhmi hna kha amah hi a si,” tiah a au.

JOHAN 1:30

Amah hi pei, ‘Ka hnu in mipa pakhat a ra lai, sihmanhsehlaw amah cu keimah nakin a ngan deuhmi a si, zeicahtiah ka chuah hlan in amah cu a rak um cang,’ tiah ka rak chimmi kha a si cu.

LAMKALTU 1:5

Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti.

LAMKALTU 19:4

Cun Paul nih cun a thawh hna i, “Johan tipilnak cu lungthlen hmelchunhnak caah a si, asinain Johan nih khan, ‘Ka hnu in a ra liomi hi nan zumh awk cu a si,’ tiah a ti zungzal hna i cu a hnu in a rami cu Jesuh hi a si,” tiah a ti hna.

LAMKALTU 8:36

An vung zuan lengmang lioah khin ti tlawmpal a rak umnak hmun pakhat kha an phan i cu tikah cu bawi nih cun aa thawh i, “Hika ah hin pei ti a um hi, zei nih dah tipil in a ka donh lai?” tiah a ti. (

LAMKALTU 8:38

Cu bawi nih cun rangleng cu a dirter i an pahnih cun ti chungah khan an vung kal i Filip nih tipilnak cu a pek.

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.