MATTHAI 28:6 - Lai (Hakha) Common Language Bible 2006

⁶ Amah cu hika ah hin a um ti lo, a chim bantukte khan, a tho cang. Ra u law an chiahnak hmun hi ra zoh hmanh u.

Laibaibal Thiang (BSI)

⁶ Hika ah a um ti lo, Arak chim cang bantuk te khan a thoṭhân cang. Ra ulaw, Bawipa an vuinâk hmun hi rak zoh hmanh u, tiah a ti hna.

MATTHAI 28:6 ပူးပေါင်းရင်းမြစ်များ

MATTHAI 12:40

Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MATTHAI 17:23

annih nih an thah lai, sihmanhsehlaw ni thum ni ah nunter a si ṭhan lai,” tiah a ti hna. A zultu cu an ngaih a chia ngaingai.

MATTHAI 17:9

Tlang cungin an ṭum pah ah khan, “Hi thil nan hmuhmi hi, Mi Fapa hi thihnak in thawhter ka si ṭhan hlanah cun ahohmanh chim hna hlah u,” tiah a ti hna.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 27:63

“Bawipa, hi milihchim pa nih hin a nun lioah, ‘Ni thum hnuah thawhter ka si ṭhan lai,’ a rak ti kha kan hngalh.

MARKA 16:6

Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

MARKA 8:31

Jesuh nih cun a zultu kha a cawnpiak hna i, “Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai. Thihnak ka huah lai i ni thum hnuah ka tho ṭhan lai,” tiah a chimh hna.

LUKA 24:12

Sihmanhsehlaw Peter cu a tho i thlan ah khan a va le, a vun bih i ruak zualnak puan kha a hmuh hna, a dang zeihmanh a hmu lo. Cun inn ah a kir i cu thil a cangmi kong cu khuaruahhar in a ruat lengmang.

LUKA 24:23

asinain a ruak kha an hmu lo. An ra kir i vancungmi an i langh kha kan hmuh hna i cu hna nih cun, a nung, tiah an kan chimh, an ti.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

JOHAN 10:17

“Ka Pa nih a ka dawt cu ka nunnak kha pek ka sian caah a si, cu pek ka sian cu ka nunnak kha ka hmuh ṭhan nakhnga caah a si.

JOHAN 2:19

Jesuh nih cun, “Hi Pathian biakinn hi ṭhet u law ni thum chungah ka sak ṭhan ko lai,” tiah a leh hna.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.