MATTHAI 28:5 - Lai (Hakha) Common Language Bible 2006

⁵ Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

Laibaibal Thiang (BSI)

⁵ Vancungmi nih nu hna sinah, “Nannih cu ṭih hlah u, Jesuh, an khenhchihmi kha nan kawl, ti kha ka hngalh.

MATTHAI 28:5 ပူးပေါင်းရင်းမြစ်များ

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

MATTHAI 14:27

Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna.

MATTHAI 28:10

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

MATTHAI 28:4

Ralveng pawl cu an thin a phang tuk hringhran i a therh hna i mithi bantukin an um.

MARKA 16:6

Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

LUKA 1:30

Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

LUKA 24:5

Nu hna cu ṭihnak in an khat i mi nih an chawnh hna tikah khan vawlei lei hoih in an kun. Mi nih cun an thawh hna i, “Zeicahdah a nungmi cu a thimi lakah nan kawl?

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.