MATTHAI 28:19 - Lai (Hakha) Common Language Bible 2006

¹⁹ Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

Laibaibal Thiang (BSI)

¹⁹ Cucaah kal ulaw, miphun kip kha ka zultu va siter hna u, Pa le Fapa le ThiangThlarau minah Baptisma pe hna u law,

MATTHAI 28:19 ပူးပေါင်းရင်းမြစ်များ

GENESIS 1:26

Cun Pathian nih cun, “Atu cu minung kan ser cang hna lai; kanmah mui an keng lai i kanmah he kan i lo lai. Nga si hna seh, va si hna seh, inn zuat saṭil si hna seh, ramlak i a ummi saram a hme he a ngan he si hna seh, an uk dih hna lai,” tiah a ti.

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 25:32

vawleicung mi vialte cu a hmaiah pumh an si lai. Cun tuukhal nih tuu cu meheh sinin a ṭhen hna bantuk khan miphun vialte cu bu hnih ah a ṭhen hna lai;

LAMKALTU 1:2

a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 14:21

Paul le Barnabas nih Derbe khua ah cun Thawngṭha kha an chim i zultu tampi an hmuh hna. Cun Listra ah khan an kir i cuka cun Ikonium le Pisidia ram Antiok khua ah khan an kal.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

LAMKALTU 9:18

Chikkhatte ah khin Saul mit cun nga phokphawher bantuk khi a tla i khua a hmu kho ṭhan. A dir i tipilnak kha a in;

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

1 KORIN 15:29

A si ah mithi hna can i tipil pekmi hna kha tah, zeitin? Zei tuah khawh dah an i ruahchan? Annih nih an ti bantukin mithi cu nunnak ah thawhter an si ṭung lo ahcun, zeicahdah mithi hna can ah cun tipil cu pek an si kun?

GALATI 3:27

Khrih chungah tipil nan ing i Khrih nunnak in nan i thuam.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

1JOHAN 5:7

Tehte a khaangtu pathum an um: