MATTHAI 27:52 - Lai (Hakha) Common Language Bible 2006

⁵² thlan kha an i hung; Pathian mi a rak thi ciami tampi kha an tho ṭhan.

Laibaibal Thiang (BSI)

⁵² thlân kha an i ong i mithiang tampi â hngilhmi hna an pum kha thawhter an si.

MATTHAI 27:52 ပူးပေါင်းရင်းမြစ်များ

2 SIANGPAHRANG 13:21

Cun mipa pakhat an vui lioah khan ramhtu pawl bu khat cu an hmuh hna i mipa cu Elisha thlan chungah an thlak; cun mipa nih Elisha ruh a vun tawngh cangka hna cun a nung ṭhan i a ke in a dir.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

JOHAN 11:11

‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

1 KORIN 11:30

Cucaah cun pei mi tampi nan zawt nan fah i a thih zong tlawmpal cu nan thihphah kha a si cu.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

1THESALON 4:14

Jesuh cu a thi i a tho ṭhan ti kha kan zumh; cucaah amah zumh buin a thimi hna cu Pathian nih amah sinah cun a ratpi hna lai ti kha kan zumh.

1THESALON 5:10

a rat tikah kan nun zong kan thih zongah amah sinah kan um khawhnak hnga kannih caah a thi cang.