MATTHAI 27:4 - Lai (Hakha) Common Language Bible 2006

⁴ “A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

Laibaibal Thiang (BSI)

⁴ “Sualnâk a ngei lomi thisen ka rak rawi kha ka sual,” tiah a ti. Annih nih, “Cucu kan zeidah poi, nangmah nawl pei a si ko cu,” tiah an rak ti.

MATTHAI 27:4 ပူးပေါင်းရင်းမြစ်များ

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

JOB 13:4

Nannih nih biatak cu lih in a lenglei kha nan nalh tawn, Nannih cu nan dihlak in lih ṭawn hmangmi nan si.

JOB 16:2

“Mah bantuk cu tampi ka theih cang; Nan ka hnemhnak cu hremnak lehlam a si.

SALM 94:21

miṭha kha a rawi a phiar i a sual lomi kha thih dantatnak a pemi hna he cun a komh in nan i kom kho lo.

EXODUS 12:31

Cu zan ṭhiamṭhiam ah cun Faro nih khan Moses le Aaron cu a auh hna i, “Nanmah le Israel mi hna cu khulrang in chuak u. Ka mi kha kaltak hna u law nan ti bangin nan Pathian cu va bia u.

EXODUS 9:27

Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

JEREMIAH 26:15

Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.

JONAH 1:14

Cucaah Bawipa cu an auh i, “Maw Bawipa, hi mipa hi kan thihter ruangah kannih cu kan that hlah; zeicahtiah zeidah kan tuah awk a si kha a kan hmuhsaktu cu maw Bawipa nangmah na si,” tiah an ti.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

LUKA 23:22

Pilat nih cun a chimh ṭhan hoi hna i, “Zei sualnak dah a tuah? Thih awktlak thil a tuahmi pakhat hmanh ka hmu kho lo. Fung in ka tukter hna lai i ka thlah lai,” a ti.

LUKA 23:41

Sihmanhsehlaw kannih ca i biakhiahnak an tuahmi cu ahmaanmi a si, zeicahtiah kan tuahmi ruangah kan hmuh awk a simi kha kan hmuh; sihmanhsehlaw anih hi cu ṭhat lonak zeihmanh a tuah lo,” tiah a ti.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

JOHAN 19:7

Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

LAMKALTU 13:28

Annih nih thah awkah aa tlak tinak caah bia an hmu kho lo nain Pilat kha kan thahpiak ko tiah an nawl.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

1 SAMUEL 15:30

Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.

1 SAMUEL 19:5

thih le thih tiin Filistin mipa kha a tuk i Israel mi vialte caah Bawipa nih teinak nganpi a tuah. Na rak hmuh i na rak i lawm; cucaah cun, zeicahdah, zeiruanglo i David thahnak thawngin zeihmanh a sual lomi thisen cungah sualnak na tuah kun lai?” tiah a ti.