MATTHAI 27:29 - Lai (Hakha) Common Language Bible 2006

²⁹ Cun hling nge in bawi luchin kha an phiar i a lu ah an chinh. A orhlei kut ah fung an putter. Cun a hmaiah an kun i an cawhdeh i, “Judah Siangpahrang cu saupi nung ko seh,” tiah an au;

Laibaibal Thiang (BSI)

²⁹ Hling luchin an tuah i alu ah an chinh. A orhlei kutah thluang kung an putter. A hmaiah an khuk an i bil i Judah siangpahrang, sau piin nung seh, tiah nichuak saih nâkah an hman.

MATTHAI 27:29 ပူးပေါင်းရင်းမြစ်များ

SALM 69:7

Nangmah ruangah nihsawhnak ka hmuh hi a si i nangmah ruangah ningzahnak nih a kan khuh hi a si.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

JEREMIAH 20:7

Maw Bawipa, nangmah nih na ka hlen i hlen ka si ko cang; Keimah nakin na ṭhawng deuh i na ka tei; Mi kip nih capo ah an ka saih i chun nitlak an ka nihsawh.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 26:49

Judas nih cun a phak cangka tein Jesuh cu a hei fuh i, “Saya, na cungah daihnak um ko seh,” tiah a ti i a hnamh colh.

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

MARKA 15:17

Jesuh cu puan sen kha an aih i hling in an phiarmi bawiluchin kha a lu ah an chinh.

MARKA 15:18

Salaam kha an pek i, “Judah mi Siangpahrang hi saupi nung ko seh!” an ti.