MATTHAI 27:24 - Lai (Hakha) Common Language Bible 2006

²⁴ Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

Laibaibal Thiang (BSI)

²⁴ Pailat nih, zeitihmanhin dan khawh a si ti lo ti kha a hmuh i a buai chin chin lai ti kha a hmuh tikah, ti â lak i mizapi hmaiah a kut â ṭawl. “Hi miding thisen ah hin ka thiang. Nanmah thu si seh,” tiah a ti.

MATTHAI 27:24 ပူးပေါင်းရင်းမြစ်များ

SALM 26:6

Maw Bawipa, ka sual lo langhnak caah ka kha kaa ṭawl i nangmah biak awkah na biakṭheng velchum ah kaa chawk.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 2:35

Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.

MATTHAI 26:5

“Puai chungah cun kan tuah lai lo, mizapi an i tuai sual lai,” an ti.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

MATTHAI 27:23

Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

MATTHAI 27:9

Cuticun profet Jeremiah nih a rak chimmi kha a hung tling. A chimmi cu: “Israel mi hna nih, cu pa man cu cu zat in si seh, tiah an khiahmi ngun tangka sawm thum kha an i lak i

JOHAN 13:9

Simon Peter nih cun, “Bawipa, a si ahcun, ka ke lawng ka ṭawl kun hlah, ka kut le ka lu zong ka ṭawl chih kun,” tiah a leh ve.

JOHAN 19:4

Pilat cu a va chuak ṭhan i Judah mi hna cu, “Zohhmanh u, amah hi! Amah cu a sualnak zeihmanh ka hmu lo ti kha hngalhter kan duh hna caah ka rak chuahpi hih,” tiah a ti hna.

LAMKALTU 3:14

Amah cu mithiang le miṭha a si nain nannih nih cun nan duh lo i Pilat cu lainawng lehlam kha kan thlahpiak ko, nan ti.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i