MATTHAI 27:22 - Lai (Hakha) Common Language Bible 2006

²² Cun Pilat nih cun, “Khrih timi Jesuh cu zeitindah ka tuah kun lai?” tiah a hal hna. Annih nih, “Vailam ah khenh chih ko,” tiah an leh.

Laibaibal Thiang (BSI)

²² Pailat nih an sinah, “Jesuh, Krih an timi hi zeitindah ka tuah kun lai?” tiah a ti. An dih lakin, “Khenhchih ko” tiah an ti.

MATTHAI 27:22 ပူးပေါင်းရင်းမြစ်များ

JOB 31:31

Ka sin i rian a ṭuanmi dihlak nih, khualtlung ka donh bal hna lo le

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 1:16

Jakob cu Josef pa a si; Josef cu Mary va a si, Mary cu Messiah timi Jesuh nu kha a si.

MATTHAI 27:17

Cucaah mi zapi cu an hun i pumh tikah khan Pilat nih cun, “Jesuh Bar-Abbas le Jesuh Messiah ah hin, aho deuh hi dah in chuahpiak hna ning law nan duh?” tiah a hal hna.

MATTHAI 27:21

Sihmanhsehlaw mangki bawipa nih cun, “Hi hna pahnih lakah hin, aho hi dah kan thlahpiak seh, ti nan ka duh?” tiah a hal hna. Annih nih Bar-Abbas tiah an leh.

MATTHAI 27:23

Sihmanhsehlaw Pilat nih cun, “Zei sualnak dah a tuah?” tiah a vun hal hna. Cu tikah fak piin an au ciammam i, “Vailam ah khenhchih ko,” an ti.

MARKA 14:55

Tlangbawi upa hna le biaceihtu hna nih cun Jesuh cu thihnak daan pek khawhnak ding caah a sual kawl an i zuam, sihmanhsehlaw zeihmanh an hmu kho lo.

JOHAN 4:25

Minu nih cun aa thawh i, “Khrih timi Messiah cu a ra lai ti kha kan hngalh. Amah a rat tikah zeizong vialte a kan chimh dih te ko lai,” tiah a ti.

LAMKALTU 13:28

Annih nih thah awkah aa tlak tinak caah bia an hmu kho lo nain Pilat kha kan thahpiak ko tiah an nawl.

LAMKALTU 13:38

Ka u le ka nau hna, nan dihlak in nan hngalh awk cu, Jesuh thawng hin pei sual ngaihthiamnak bia nan sin i chim hi a si cu; Moses Nawlbia nih an luatter khawh lomi hna sualnak khan pei amah a zummi paohpaoh cu a luatter hna cu.