MATTHAI 27:19 - Lai (Hakha) Common Language Bible 2006

¹⁹ Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.

Laibaibal Thiang (BSI)

¹⁹ Biaceihnâk ṭhutdanh i a ṭhut lioah a nupi nih, “Kha miding pa kha zeiti hmanh in rak ti hlah, nihin ah Amah ruangah ka mangin thil tampi ka tuar,” tiah bia a cah.

MATTHAI 27:19 ပူးပေါင်းရင်းမြစ်များ

GENESIS 31:11

Cu ka mang ah cun vancungmi nih a ka thawh i, ‘Jakob,’ a ka ti i, kei nih, ‘Hawi,’ ka ti.

GENESIS 31:24

Cu zan ah cun Aramean mi Laban sinah khan Pathian cu mang in a ra i, “Jakob sinah hronak bia na chim nakhnga lo i ralring,” a ti.

GENESIS 31:29

Na cungah hin harnak ka duh ahcun ka tlunter khawh ko. Asinain zahan ah na pa Pathian nih, ‘Jakob sinah hronak bia na chim nakhnga lo i ralring,’ tiah a ka ti.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

MATTHAI 2:19

Herod a thih hnuah Izipt ram ah khan Josef sinah cun Bawipa vancungmi pakhat kha a lang i,

MATTHAI 2:22

Arkelau nih a pa Herod kha a hun chan i Judea ram ah siangpahrang a si ti kha Josef nih a theih tikah cuka i va um awk cu a ṭih. A mang ah an chimh bantukin Galilee ram ah khan a kal i

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

LUKA 23:41

Sihmanhsehlaw kannih ca i biakhiahnak an tuahmi cu ahmaanmi a si, zeicahtiah kan tuahmi ruangah kan hmuh awk a simi kha kan hmuh; sihmanhsehlaw anih hi cu ṭhat lonak zeihmanh a tuah lo,” tiah a ti.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

JOHAN 19:13

Cu bia cu Pilat nih a theih tikah Jesuh cu lengah a hei chuahpi i “Lung Ṭuang” timi hmun i biaceihnak ṭhutdan cungah khan a ṭhu (Hebru holh cun Gabbatha an ti)’

LAMKALTU 12:21

An ni tinh ni ah Herod cu a siangpahrang thuam khan aa thuam i a bawiṭhutdan cungah khan a ṭhu i mizapi sinah cun bia a chim.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

LAMKALTU 18:16

zung chung khan a ṭhawl hna.

LAMKALTU 18:17

An dihlak cun pumhnak inn haotu a simi Sosthenes kha an tlaih i zung hmaiah cun an velh. Sihmanhsehlaw Gallio nih khan zeihmanh ah a relpiak hna lo.

LAMKALTU 25:10

Paul nih aa thawh i, “Siangpahrang biaceihnak zung hrimhrim ah ka chuak lai, khika ah bia cu ka ceih hna seh. Nangmah nih fiang tein na hngalh bantukin Judah mi cungah zeihmanh ṭhat lonak ka tuah lo.

LAMKALTU 25:17

Hika i an rat tikah a caan zeihmanh rauhter loin a thaizing hrimhrim ah biaceihnak zung ah ka ṭhu i mipa cu rak chuahpi u tiah nawl ka pek hna.

LAMKALTU 25:6

Festas cu an sinah ni riat, ni hra tluk a cam i cun Sisaria khua ah khan a kal. A thaizing ah biaceihnak zung ah khan a ṭhu i Paul cu rak chuahpi u tiah nawl a pek hna.

1 PETER 2:22

Sualnak zeihmanh a tuah lo, lih a chim bal lo.

1JOHAN 2:1

Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.