MATTHAI 26:58 - Lai (Hakha) Common Language Bible 2006

⁵⁸ Peter nih lamhlat nawn khin a zulh i Tlangbawi Ngan inntual tiang kha a va kal. Inntual chungah khan a va lut i zeitindah thil a hung umtuning a si lai ti hngalh duh ah ralveng pawl sinah khan a ṭhu.

Laibaibal Thiang (BSI)

⁵⁸ Peter zong nih lamhlat nawn in a zulh ve i tlângbawi nganbik tualrawn a phân ve. A va lut ve i a donghtiang thil umtuning hngalh awkah sinum hna sinah a um.

MATTHAI 26:58 ပူးပေါင်းရင်းမြစ်များ

MATTHAI 26:3

Cun tlangbawi upa pawl le Judah mi upa hna kha Tlangbawi Ngan Kaiafas innpi ah cun an i pum i

MATTHAI 5:25

“Mi pakhatkhat nih taza an cuai i zung ah an chuahpi ahcun, a caan a um rih lio, zung nan phak hlanah khan, amah he cun remnak tuah i zuam; cuka na phak hnuah cun biaceihtu sinah khan hluai na si lai i biaceihtu nih cun palik sinah an chanh chin lai i thong ah an in thlak lai.

LUKA 22:54

Jesuh cu an tlaih i Tlangbawi Ngan inn ah khan an kalpi; cun Peter nih lamhlatpi khin a zulh.

JOHAN 18:25

Cuka i Peter cu a dir buin mei a toh lioah khan a dang nih, “Khipa zultu kha na si ve ko lo maw?” tiah an ti. Sihmanhsehlaw Peter nih cun aa pheh i, “Ka si lo,” tiah a ti.

JOHAN 19:6

Tlangbawi upa hna le palik pawl nih khan Jesuh cu an hmuh tikah, “Vailam ah khenh chih ko! Vailam ah khenh chih ko!” tiah an au. Pilat nih cun annih cu, “Nanmah nih kalpi u law vailam ah cun va khenh chih u. Kei cu a sualnak ka hmu lo,” tiah a ti hna.

JOHAN 7:32

Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

JOHAN 7:45

Biakinn vengtu palik pawl kha an va kir i tlangbawi upa pawl le Farasi mi hna nih khan, “Zeicahdah nan ratpi lo?” tiah an rak hal hna.

LAMKALTU 5:22

Sihmanhsehlaw an hei thlahmi hna kha an va phak tikah, thong chungah cun lamkaltu pawl kha an hmu hna lo i cucaah cun khawngsil pawl sinah khan an ra kir i an chimh hna,

LAMKALTU 5:26

Cucaah biakinn cawngtu hna bawi cu a mi hna he khan an va kal i lamkaltu cu an ratpi ṭhan hna. Annih nih mizapi nih lung in an kan cheh sual lai ti kha an phan caah thazang cu an hmang ngam lo.