MATTHAI 26:56 - Lai (Hakha) Common Language Bible 2006

⁵⁶ Sihmanhsehlaw hi thil vialte hi bantukin a sinak cu profet nih Cathiang chungah an rak ṭialmi kha a tlinnak ding caah a si,” a ti. Cun a zultu hna nih khan an dihlak in an zamtak i an le dih.

Laibaibal Thiang (BSI)

⁵⁶ Asinain Profet hna chimmi kha a tlin khawh nâkhnga hi thil vialte a rak umnâk hi a si,” tiah a ti. Cu lio hrimhrim ah lamkaltu vialte nih Amah lawng umter in an zâm tâk dih.

MATTHAI 26:56 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MATTHAI 26:31

Jesuh nih annih cu a thawh hna i, “Cathiang nih, ‘Pathian nih tuukhal kha a thah lai i tuurun chung tuu kha an i ṭhek dih lai,’ a ti caah, tuzan hrimhrim ah hin nan dihlak in nan ka zamtak lai.

MATTHAI 26:54

Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

2TIMOTE 4:16

Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh.