MATTHAI 26:33 - Lai (Hakha) Common Language Bible 2006

³³ Peter nih khan Jesuh cu a hun thawh i, “Midang vialte nih in zamtak hna hmanh seh law, kei cu kan zamtak bal lai lo,” tiah a ti.

Laibaibal Thiang (BSI)

³³ Peter nih, “An dih lakin nangmah ruangah tlu hmanh hna sehlaw, kei cu kan tluktâk bal lai lo,” tiah a leh.

MATTHAI 26:33 ပူးပေါင်းရင်းမြစ်များ

SALM 17:5

Na lam kha ka zulh zungzal i zeitikhmanh ah ka pialtak bal lo.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

MATTHAI 26:32

Sihmanhsehlaw nunter ṭhan ka si tikah nan hmaiah Galilee ah ka rak kal chung lai,” tiah a ti hna.

MATTHAI 26:34

Jesuh nih Peter cu, “Hihi va philh hlah: Tuzan i ar a khuan hlan ah amah cu ka hngal lo, tiah voi thum na ka ti lai,” tiah a ti.

MARKA 14:29

Peter nih, “A dang nih an dihlak in in zamtak hna hmanh seh law, kei cu kan zamtak hrimhrim lai lo,” tiah a hun leh.

LUKA 22:33

Peter nih a leh i, “Bawipa, nangmah he thongtlak le thih kha ka ngamh ko,” tiah a ti.

JOHAN 21:15

Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.