MATTHAI 26:31 - Lai (Hakha) Common Language Bible 2006

³¹ Jesuh nih annih cu a thawh hna i, “Cathiang nih, ‘Pathian nih tuukhal kha a thah lai i tuurun chung tuu kha an i ṭhek dih lai,’ a ti caah, tuzan hrimhrim ah hin nan dihlak in nan ka zamtak lai.

Laibaibal Thiang (BSI)

³¹ Cuticun Jesuh nih, “Tuzan ah hin nan dih lakin keimah ruangah nan tlu dih lai, hitihin ṭial a rak si cang. ‘Tukhal cu ka velh lai i Tuu run kha an i ṭhek dih lai’ tiah a ti hna.

MATTHAI 26:31 ပူးပေါင်းရင်းမြစ်များ

SALM 38:11

Ka hma le ka rung ruangah, ka hawi le ka innpa nih a naih hmanh an ka duh lo; ka chungkhat hmanh nih an ka hrial.

SALM 69:20

An ka serhsat tuk caah ka lung zong a rawk dih; zeihmanh ka tuah kho ti lo. An ka zaangfah rua lai tiah ka rak ruah, sihmanhsehlaw zaangfahnak zeihmanh ka hmu lo; a ka hnemtu an um rua lai tiah ka rak ruah, sihmanhsehlaw ahohmanh an um lo.

SALM 88:18

Ka hawikom ṭha bik hna hmanh nih khan an ka chuahtak; ka ca i a tangmi hawikom cu muihnak lawnglawng kha a si ko.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ṬAHNAK HLA 1:19

A ka dawtu kha ka kawh hna, Sihmanhsehlaw zumhawktlak an si ti lo; Khua chung i a ummi ka tlangbawi hna le upa hna kha, An thazang hrimh ṭhan awk caah rawl an kawl nain, Zeihmanh an hmu lo.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MATTHAI 26:56

Sihmanhsehlaw hi thil vialte hi bantukin a sinak cu profet nih Cathiang chungah an rak ṭialmi kha a tlinnak ding caah a si,” a ti. Cun a zultu hna nih khan an dihlak in an zamtak i an le dih.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.