MATTHAI 26:3 - Lai (Hakha) Common Language Bible 2006

³ Cun tlangbawi upa pawl le Judah mi upa hna kha Tlangbawi Ngan Kaiafas innpi ah cun an i pum i

Laibaibal Thiang (BSI)

³ Cuticun tlângbawi Ngan bik Kaiafas timi innah tlângbawi upa hna le nawlbiacawnpiaktu hna le zatlang upa kha an i pum;

MATTHAI 26:3 ပူးပေါင်းရင်းမြစ်များ

SALM 56:6

Mi hmuh lonak hmun ah khan an i thup i ka tuahmi paohpaoh kha an ka ngiat dih, zeitindah kan thah khawh lai ti kha an i ruahchih.

JEREMIAH 11:19

Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

MATTHAI 26:69

Peter cu lengah, inntual ah khan a ṭhu. Tlangbawi Ngan salnu pakhat kha a ra i, “Nangmah zong hi Galilee ram mi Jesuh sin i a rak um tawnmi na si ve ko,” tiah a ti.

MATTHAI 27:27

Cun Pilat ralkap pawl nih khan Jesuh cu mangki bawi innpi chungah khan an luhpi i an kampani dihlak in an kulh.

MARKA 14:54

Peter nih khan lamhlatpi khin a zulh i Tlangbawi Ngan inntual ah cun a va lut. Cuka ah cun ralveng pawl sinah khan a ṭhu i mei a to.

MARKA 14:66

Peter cu inntual i a um lioah khan Tlangbawi Ngan sinumnu ngakchia pakhat kha a ra i amah cu a hmuh tikah,

MARKA 15:16

Ralkap nih Jesuh cu Mangki bawi inntual ah khan an luhpi i an hawidang zong kha an auh hna.

LUKA 22:55

Tual laifang ah khan mei an kau i mei cu an to i a tomi hna sinah cun Peter cu a ṭhu ve.

LUKA 3:2

Annas le Kaiafas cu tlangbawi ngan an si. Cu caan lioah cun Zekhariah fapa Johan sinah ramcar chungah khan Pathian bia cu a phan.

JOHAN 11:57

Tlangbawi upa hna le Farasi mi hna nih khan, Jesuh umnak a hngalmi paoh nih nan kan chimh lai i kan tlaih lai, tiah an ti hna.

JOHAN 18:24

Cuticun, an khih bu cun, Annas nih khan Tlangbawi Ngan Kaiafas sinah khan a hei kuat.

JOHAN 18:28

Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.