MATTHAI 26:28 - Lai (Hakha) Common Language Bible 2006

²⁸ Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

Laibaibal Thiang (BSI)

²⁸ Zeitintiah hihi ka thisen i biakam thar, mi tampi sual ngaihthiamnâk ca i a chuak hngami cu a si.

MATTHAI 26:28 ပူးပေါင်းရင်းမြစ်များ

JEREMIAH 31:31

“Israel mi hna le Judah mi hna he biakamnak thar ka ser lai ni cu a ra lio, tiah Bawipa nih a ti.

LEVITIKAS 17:11

Zeitintiah titsa nunnak cu thi chungah a um i nan nunnak ca i biakṭheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si.

ZEKHARIAH 9:11

Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MATTHAI 26:27

Cun hrai kha a lak i Pathian sinah lawmhnak bia a chim dih in, annih cu a pek hna i, “Nan dihlak in ding u.

MATTHAI 26:29

Hihi kan chimh hna: Ka Pa Pennak chungah nanmah he a thar in ka din ṭhan hlantiang hi mitsur hang hi ka ding ti lai lo,” tiah a ti.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

MARKA 1:4

Cucaah Johan cu ramlak ah khan a hung chuak i mi kha tipilnak a pek hna i phung kha a chimh hna. “Nan lung i thleng u law tipilnak kha ing tuah u; cun Pathian nih nan sualnak kha an ngaihthiam hna lai,” tiah a ti hna.

MARKA 14:24

Jesuh nih cun, “Mi tampi ca i ka thletmi ka thi a si. Pathian biakamnak a fehtertu ka thi a si.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

LUKA 22:20

Cu bantuk ṭhiamṭhiam in zanriah an ei dih hnuah hrai zong kha a pek hna i “Hi hrai hi nan caah ka thletmi ka thi in khenhchihmi Pathian biakamnak a si.

ROM 5:15

Sihmanhsehlaw cu hna pahnih cu an i khat lo, zeicahtiah Pathian laksawng cu Adam sualnak bantuk kha a si lo. Kha mipa pakhat sualnak ruangah khan mi tampi an thi taktak ko. Sihmanhsehlaw kha pa ṭhat lonak nakkhan Pathian vel cu tam piin a ngan deuh i cu bantuk ṭhiamṭhiam cun mipa pakhat Jesuh Khrih vel thawngin mi tampi cungah a tlungmi Pathian laksawng cu a ngan deuh.

ROM 5:19

Mipa pakhat nawlngaih lo ruangah mi tampi kha misual i ser an si bantukin mipa pakhat nawlngaih ruangah mi tampi cu miding ah ser an si lai.

1 KORIN 11:25

Cu bantuk ṭhiamṭhiam in zanriah ei dih in hrai kha aa lak i, “Hi hrai hi Pathian biakamnak thar, ka thi in ka fehtermi a si. Hi hrai nan din fate keimah philh lonak caah ding u,” a ti.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.