MATTHAI 26:18 - Lai (Hakha) Common Language Bible 2006

¹⁸ Annih cu, “Khua chung i mipa pakhat sinah va kal u law, kan Sayapa nih, ‘Ka caan a phan cang, ka zultu hna he na inn ah Lanhtak Zanriah ei kan duh,’ a ti tiah va chim u,” tiah a ti hna.

Laibaibal Thiang (BSI)

¹⁸ Anih nih, “Khuapi ah mi pakhat sinah kal ulaw, Cawnpiaktu nih, ka cân a nai cang; ka Lamkaltu hna he, Lanhtâk Thô na inn ah kan tuah lai, a ti, tiah nan va ti lai,” tiah a ti hna.

MATTHAI 26:18 ပူးပေါင်းရင်းမြစ်များ

MATTHAI 21:3

Mi nih zeimaw tiin an in ti hna ahcun, ‘Kan Bawipa nih a herh,’ tiah nan ti ko hna lai i an in lakter ko hna lai,” tiah a ti.

MATTHAI 23:10

“Hruaitu” ti zong duh hlah u, zeicahtiah Messiah lawnglawng hi nan hruaitu cu a si ko.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

MATTHAI 26:19

A zultu pawl nih khan Jesuh nih a chimh hna bang cun Lanhtak Zanriah cu an timh.

MATTHAI 26:2

“Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai,” tiah a ti hna.

MATTHAI 26:49

Judas nih cun a phak cangka tein Jesuh cu a hei fuh i, “Saya, na cungah daihnak um ko seh,” tiah a ti i a hnamh colh.

MARKA 5:35

Cu bia cu Jesuh nih a chim lioah khan Jairu inn cun zualko an ra i, “Na fanu cu a thi cang, sayapa cu hnahnawh ti hlah,” tiah an rak chimh.

LUKA 22:53

Nifate in pei nan sinah Biakinn ah ka um ko cu, tlaih nan ka zalh ṭung lo. Sihmanhsehlaw atu hi cu nanmah le muihnak ṭhawnnak nan caan a si,” tiah a ti hna.

JOHAN 11:28

Martha nih hi bia a chim dih khan a va kir i a nau Mary kha a thli tein a va auh. “Saya kha a ra cang i nangmah kha an hlam,” tiah a chimh.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

JOHAN 20:16

Jesuh nih cun, “Mary,” tiah a vun ti i amah leiah cun a vun i mer i Hebru holh in “Rabboni,” tiah a ti. (A sullam cu, saya tinak a si.)

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

JOHAN 7:6

Jesuh nih cun, “Ka caah tuah caan a si deuh rih lo, nannih ca tu ah cun zei caan paoh hi a caan a si ko.

JOHAN 7:8

Puai ah cun nannih cu hung kal ko uh, kei tu cu ka kal lai lo, ka caan a si rih lo,” tiah a ti i