MATTHAI 25:41 - Lai (Hakha) Common Language Bible 2006

⁴¹ “Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

Laibaibal Thiang (BSI)

⁴¹ Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 25:41 ပူးပေါင်းရင်းမြစ်များ

SALM 119:115

Nannih misual mi hna, ka kaltak u, kei cu ka Pathian nawlbia kha ka zul lai.

SALM 119:21

Mi porhlaw kha na chimhhrin hna; na nawlbia a pialtakmi cu chiatserhmi an si.

SALM 139:19

Maw Pathian, miṭhalo kha cu that ko hna, ti ka duh. Mipuarhrang pawl nih hin ka kaltak hna seh, ti ka duh hringhran ko.

SALM 6:8

Nannih ṭhat lonak a tuahmi hna, ka kaltak ko u, Bawipa nih ka ṭahnak kha a theih cang;

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

MATTHAI 13:40

Belh cu an pumh hna i an khangh hna bantuk hin chan donghnak ah cun a si te lai:

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

MATTHAI 13:50

meiphu chungah an paih hna lai. Cuka ah cun an ṭap lai i an hacang an rial lai,” tiah a ti.

MATTHAI 18:8

“Nan kut nih siseh, nan ke nih siseh, an pialter hna ahcun, tan u law hlonh ko hna u! Kut pahnih, ke pahnih he zungzal mei chung i tlak nakin kut le ke loin nunnak chung i luh cu nan caah a ṭha deuh.

MATTHAI 25:42

Ka rawl a ṭam ah rawl nan ka pe lo, ka ti a hal ah ti nan ka pe duh lo,

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MATTHAI 7:23

Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.

LUKA 13:27

Anih nih an thawh hna lai i, ‘Khuazei in nan rat kan hngal lo. Nannih ṭhat lonak a tuahmi vialte hna, ka sinin kal ko u,’ a ti hna lai.

LUKA 16:24

Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

HEBRU 6:8

Sihmanhsehlaw cu vawlei nih cun hling le belh lawng kha a khohter hna ahcun zeihmanh santlaihnak a ngei lo; Pathian nih chiat a serh men lai i mei nih a kangh men lai.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.