MATTHAI 25:36 - Lai (Hakha) Common Language Bible 2006

³⁶ Puan aih awk ka ngei lo i puan nan ka pek; ka zaw i nan ka zohkhenh; thong ka tla i nan ka len,’ tiah a ti hna lai.

Laibaibal Thiang (BSI)

³⁶ taklawng ka um ah puan nan ka aihter, ka zawt tikah, nan ka zohkhenh i thong ka tlâkah nan ka veh,’ tiah a ti lai.

MATTHAI 25:36 ပူးပေါင်းရင်းမြစ်များ

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

EZEKIEL 18:16

A rawl a ṭammi kha rawl a pek hna i hnipuan a ngei lomi kha hnipuan a pek hna.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

EZEKIEL 34:4

A bami kha thazang nan pe hna lo, a zawmi kha nan hram hna lo, hma a ingmi kha an hma nan menpiak hna lo, a pingah a kalmi kha nan kirpi ṭhan hna lo i a tlaumi kha nan kawl hna lo; cucu vun chim loin annih cu zaangfahnak ngei lo le puarhrang ngaiin nan uk hna.

MATTHAI 25:37

Khi tikah miding mi hna nih cun, ‘Bawipa, zeitik ah dah na rawl a ṭam i rawl kan in pek, na ti a hal i ti kan in pek,

MATTHAI 25:43

khual ka si ah nan ka tlunter duh lo, puan aih awk ka ngeih lo ah puan nan ka pe duh lo, ka zawt i thong i ka tlak ah nan ka zohkhenh duh lo,’ a ti hna lai.

LUKA 3:11

Anih nih, “Angki pahnih a ngeimi nih a ngei lomi kha pakhat ṭhen seh, cun rawl a ngeimi nih a ngei lomi kha hrawm seh,” a ti.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

HEBRU 13:3

Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.