MATTHAI 25:34 - Lai (Hakha) Common Language Bible 2006

³⁴ Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

Laibaibal Thiang (BSI)

³⁴ “Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

MATTHAI 25:34 ပူးပေါင်းရင်းမြစ်များ

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

PHUNGTHLÛKBIA 11:17

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

ZEFANIAH 3:15

Bawipa nih nangmah an dohtu hna kha an ṭhawlpiak cang i Na ral kha a dawi cang hna; Bawipa Israel siangpahrang cu nan lakah a um i Rawhralnak kha na ṭih awk zeihmanh a um ti lo.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

MATTHAI 20:23

“Ka hrai cu a din zong nan din khawh taktak ve ko lai. Sihmanhsehlaw ka orhlei ah anih ṭhu seh, ka kehlei ah anih ṭhu seh, ti cu keimah thim khawhmi a si lo. Cuka hmun cu ka Pa nih a timhpiakmi hna caah a si,” tiah a ti hna.

MATTHAI 21:5

“Zion fanu cu va chim u law, ‘Na siangpahrang cu nangmah lei ah a ra lio, Amah cu mi nunnem a si i laa cu a hun i cit, Laa note a hun i cit,’ va ti u,” tiah a timi tlinternak caah khan a si.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:23

A bawipa nih cun, ‘Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 5:19

Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

MARKA 10:17

Jesuh cu khual tlawn ah aa thawh ṭhan i cu lioah cun mipa pakhat a hung tli i a hmaiah a khuk aa bil i, “Saya, nangmah cu mi ṭha na si. Zungzal nunnak hmuh awkah zeidah ka tuah lai?” tiah a hal.

MARKA 10:40

Sihmanhsehlaw ka orhlei kam i ṭhut le ka kehlei kam i ṭhut cu keimah pek khawhmi a si lo. Hi hmun cu Pathian nih a timhpiakmi hna kha a pek ko hna lai,” tiah a leh hna.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

LUKA 11:50

Cucaah tuchan mi hna hi vawlei ser hramthawknak in profet an thahmi vialte hna ruangah khan dantat an si lai,

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 19:38

“Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

1 KORIN 15:50

Ka u le ka nau hna, ka chim duhmi cu hihi a si: thi le sa nih cun Pathian Pennak cu a co kho lai lo, cun a thi khomi nih hin thih khawh lonak cu a co kho ve lai lo.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 4:3

Cucaah, “Ka thin a hung i biakam tein, ‘Kaa dinhnak chungah an lut hrimhrim lai lo,’ ka ti,” timi bia nih a sawh duhmi dinhnak chungah a lut i Pathian sinah aa dinmi cu zumtu kanmah tu hi kan si.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:9

Cucaah nan zumhnak nih aa tinhmi nan thlarau khamhnak cu nan hmuh caah, holh in chim khawh lomi lawmhnak, a nganmi le a sunglawimi lawmhnak kha nan ngei.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.