MATTHAI 25:32 - Lai (Hakha) Common Language Bible 2006

³² vawleicung mi vialte cu a hmaiah pumh an si lai. Cun tuukhal nih tuu cu meheh sinin a ṭhen hna bantuk khan miphun vialte cu bu hnih ah a ṭhen hna lai;

Laibaibal Thiang (BSI)

³² A hmaiah miphun vialte an i pum lai i tuukhal nih meheh lakah a tuu hna a ṭhen tawn bangin, a ṭhen hna lai.

MATTHAI 25:32 ပူးပေါင်းရင်းမြစ်များ

SALM 1:5

Cucaah miṭhalo hna cu Pathian nih sual a phawt hna lai, misual mi cu miding mi bu chungah an i tel kho lai lo.

SALM 78:52

Cun tuukhal bangin a mi cu a chuahpi hna i ramcar chungah khan lam a hruai hna.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

EZEKIEL 20:38

Keimah a ka dohtu le a ka raltu kha nan sinin ka ṭhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

MATTHAI 13:49

Chan donghnak ah cun cu bantuk cun a si lai: vancungmi kha an kal lai i miṭha mi hna lak khan miṭhalo mi kha an khawmh hna lai i

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

JOHAN 10:14

Tuukhal ṭha cu keimah hi ka si. Pa nih a ka hngalh i keimah nih Pa ka hngalh ve bantukin, ka tuu kha ka hngalh hna i annih nih an ka hngalh ve. Cun an ca i ka lu hloh kha ka sian.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

ROM 2:12

Jentail mi nih Moses nawlbia kha an ngei lo, cucaah an sual tikah Nawlbia loin an tlau; Judah mi nih cun Nawlbia kha an ngei, cucaah an sual tikah Nawlbia ningin sualphawt an si.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.