MATTHAI 25:20 - Lai (Hakha) Common Language Bible 2006

²⁰ Thong nga a hmumi sal kha a ra lut i a dang thong nga a rung pek. Aa thawh i, ‘Bawipa, tangka thong nga na rak ka pek. Atu cu zohhmanh, a dang thong nga zong ka rak chuahpi,’ tiah a ti.

Laibaibal Thiang (BSI)

²⁰ Talen nga a pêkmi cu a dang talen nga a hmuhmi he a ra i kapu talen nga naka pekmi kha a dang ka hmuh, tiah a ti.

MATTHAI 25:20 ပူးပေါင်းရင်းမြစ်များ

MATTHAI 18:24

Aa thawk kate ah khin a salpa pakhat cu a sinah an ratpi i cu sal nih cun tangka talen thong hra a bat.

LUKA 19:13

A kal hlanah a sal pahra kha a kawh hna i sui tangka phar khat cio a pek hna. Cun a thawh hna i, ‘Ka um lo karah hi hin chaw rak let u,’ a ti hna.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.