MATTHAI 25:1 - Lai (Hakha) Common Language Bible 2006

¹ “Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

Laibaibal Thiang (BSI)

¹ Cuticun vanbawi pennâk cu ngaknu thiang pahra, mo ngeitu don awkah a chuakmi hna he tahchunh a si lai.

MATTHAI 25:1 ပူးပေါင်းရင်းမြစ်များ

SALM 45:14

A puan dawh ngaimi he cun siangpahrang sinah khan an hei kalpi, a mawle nih khan an zulh i anmah zong cu siangpahrang sin tiang an kal ve.

SOLOMON HLA 1:3

Naa thuh chiti rimhmui nih zam ai kaw Na len min chiti bungh ko lo ai ri, Cucah leng duh raan cuang na si.

SOLOMON HLA 5:16

A anka nih thlum hliarmar tein, Duhcuang ṭhahlei si ai hrim dahkaw, Ka dawtte cu duh nun ṭha si ai, Jerusalem leng rual hna.

SOLOMON HLA 5:8

Maw Jerusalem ngaknu leng rual hna, Ka dawt nunnem nan hmuh zawn ah cun, Zuun in a zaw ti in vung chim tawn ai u.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

MATTHAI 13:24

Jesuh nih tahchunhnak bia dang pakhat a chimh ṭhan hna. “Vancung Pennak cu a lo chung i thlaici ṭha a tuhmipa bantuk a si.

MATTHAI 13:31

Jesuh nih tahchunhnak bia a dang pakhat a chimh ṭhan hna. “Vancung Pennak cu mipa nih aa lak i a lo i a tuhmi anṭam ci bantuk a si.

MATTHAI 13:38

lo cu vawlei hi a si; thlaici ṭha cu Vancung Pennak chung i a ummi hi an si; belh cu Mi Ṭhalopa minung kha an si.

MATTHAI 13:47

“Vancung Pennak cu rili chung i chehmi sur, nga phun zakip a tlaitu bantuk a si.

MATTHAI 20:1

“Vancung Pennak cu mitsur dum a ngei i zingkate in a dum chung i rianṭuantu ding kawl awkah aa thawhmipa he aa lo.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 25:7

Ngaknu pahra cu an hun i hlau i an meiinn cu an hun timhtuah hna.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

JOHAN 18:3

Judas cu dum ah cun a va kal i tlangbawi upa hna le Farasi mi hna nih an fialmi ralkap tlawmpal le biakinn cawngtu palik nih khan an zulh; hriamnam kha an i put i meiinn le meifar zong kha an i vanh.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

LAMKALTU 20:8

Kan i pumhnak khaan, cungdot khaan ah cun meiinn tampi an van.

1 KORIN 11:2

Keimah kha philh lo tein nan ka um i kan pek chinmi hna cawnpiaknak kha nan zulh caah kan thangṭhat hna.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

BIAPHUAN 19:7

I lawm u si law i nuam u sih; a lianngannak cu thangṭhat u sih! Zeicahtiah Tuufa nupi ṭhit caan cu a phan cang i a ṭhit laimi ngaknu cu aa tim cang.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 21:9

Vancungmi pasarih hna lak i pakhat, hremnak hmanung bik pasarih in a khatmi kanto pasarih aa putmi kha ka sinah a ra i, “Ra hmanh, Tuufa nupi, va ngei lai ngaknu cu kan hmuhsak lai,” a ti.

BIAPHUAN 4:5

Bawiṭhutdan cun nimtlau aa lek i khuari thawng kha a thang. Bawiṭhutdan hmaiah cun meifar vanmi pasarih an um i cu hna cu Pathian thlarau pasarih kha an si.

BIAPHUAN 8:10

Vancungmi pathumnak nih khan a muko cu a vun tum, meifar alh bantuk a simi arfi nganpi pakhat cu van in, tiva cheu thum cheu khat le cerh cheu thum cheu khat cungah, a rung tla.