MATTHAI 24:6 - Lai (Hakha) Common Language Bible 2006

⁶ Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.

Laibaibal Thiang (BSI)

⁶ Cun raltuknâk le raldohnâk thawngpâng nan theih lai. Rak lau hlah u. Hi thil hna hi an si hrimhrim awk a si. Asinain donghnâk cu a si rih lai lo.

MATTHAI 24:6 ပူးပေါင်းရင်းမြစ်များ

SALM 112:7

Thawng chia theih kha a ṭih lo. a zumhnak a ṭhawng i Bawipa kha aa bochan.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

JEREMIAH 47:6

Nannih nih, ‘Bawipa vainam, zei can dah na kan sam len ko rih lai? Na kawng ah vaa sawh law khika ah vaa din ko!’ nan ti.

EZEKIEL 21:28

“Mipa, Israel mi a serhsattu Ammon mi hna kha chim hna. Hihi Bawipa Pathian bia a si: Mi thahnak ding ca i zuhmi, thil hrawhnak ding ca i tatmi nimtlau bantukin a lek in aa lekmi vainam kha tat a si cang.

MATTHAI 2:3

Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 26:54

Sihmanhsehlaw cu ti a si ahcun, zeitindah hi bantukin a si lai, tiah a rak chimtu Cathiang bia cu a tlin khawh kun hnga?” tiah a ti.

LUKA 21:19

Fek tein dir ko u, zeicahtiah hitihin pei nan nunnak cu nan khamh lai cu,” tiah a ti.

LUKA 21:9

Raldohnak le ralthawhnak kong nan theih tikah nan thinphang hlah u; cu bantuk thil cu a um hmasa hrim awk a si, sihmanhsehlaw a donghnak a nai cang tinak a si theng lo,” tiah a ti.

LUKA 22:37

Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

JOHAN 14:1

Khuaruahhar lungrethei in um hlah u. Pathian kha zum u, keimah zong kha ka zum ve u.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

2 THESALON 2:2

fawi tuk in lungtuai in um hlah u law Bawipa Ni cu a phan cang, a titu hna zong nih cun fawi tuk in in tuaitam hna hlah seh. Mah hihi mi pakhat khat nih profet bia in ka chim a timi zong a si ko lai, phungchim in ka chim a timi zong a si ko lai. Asiloah anmah cakuat ah a um ti zongah kanmah zong an kan ti ko lai.

BIAPHUAN 6:4

Rang dang pakhat a hung chuak i rang sen a si. A cung i aa citmi cu, vawlei cung i ral thawhternak ṭhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek.