MATTHAI 24:45 - Lai (Hakha) Common Language Bible 2006

⁴⁵ “Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

Laibaibal Thiang (BSI)

⁴⁵ Zumh awk a tlâkmi le a fimmi sinum, a pu nih an chungkhar uktu le zohkhenhtu le rawl petu ah a hman hngami cu mizeidah a si lai?

MATTHAI 24:45 ပူးပေါင်းရင်းမြစ်များ

EXODUS 36:4

Biakinn a satu zungthiam pawl nih khan an rian cio cu an kaltak zau i Moses sinah cun an ra i

PHUNGTHLÛKBIA 14:35

Siangpahrang nih a felmi rianṭuantu kha an lawmh hna, sihmanhsehlaw an rian a tlolhmi cu dan a tat hna.

PHUNGTHLÛKBIA 28:20

Zumh awk tlakmi cu thluachuahnak tampi a hmu lai, sihmanhsehlaw khulrang in rum aa zuammi cu dantatnak hmu loin a um lai lo.

EZEKIEL 34:2

A ka thawh i, “Mipa, Israel mi tuukhal hna cu chim hna. Thawh hna law, Nannih tuukhal hna, hihi Bawipa bia an si, ti hna: Anmah zawn lawng aa ruatmi Israel mi tuukhal hna hi ka hei hua hna dah! Tuukhal nih hin tuu kha an zawn ruah awk a si hnga lo maw?

EZEKIEL 46:24

A ka thawh i, “Hi hmun hna hi innpi a zohkhenhtu hna nih mizapi raithawinak an chuannak rawlchuan inn an si lai,” a ti.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 24:46

A bawipa nih a tlun tikah, a rian a rak ṭuan liote ah a run tanhmi sal caah cun lunglawmh awk a va si dah!

MATTHAI 25:2

Panga cu an hrut i panga cu an fim.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:23

A bawipa nih cun, ‘Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 7:24

“Cucaah hi ka bia a thei i a zulmi cu lung cungah a inn a sami mifimpa bantuk a si.

LUKA 19:17

Aa thawh i, ‘A ṭha, nangmah cu sal ṭha na si. Thil hmete ah zumhawktlak na si caah khua pahra uktu ah kan chiah lai,’ a ti.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

HEBRU 3:5

Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

RUTH 2:6

Cun rawlṭuantu a zohtu hna sinum nih cun, “Moab mi ngaknu kha a si, Moab ram in Naomi he a raminu kha.