MATTHAI 24:43 - Lai (Hakha) Common Language Bible 2006

⁴³ Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo.

Laibaibal Thiang (BSI)

⁴³ Asinain hihi hngal u, mifir a rat lai kha in ngeitu nih rak hngal sehlaw, a ven lai i a in a bauh lai lo.

MATTHAI 24:43 ပူးပေါင်းရင်းမြစ်များ

JOB 24:16

Zan ah mifir cu a vak i a hmai cu hlennak in aa khuh, Chun i aa chingchiah ciami inn kha zan ah cun a bauh hna. An dihlak in ceunak a hngal lomi an si,

PHUNGTHLÛKBIA 7:19

Zeicahtiah ka va cu inn ah a um lo, lamhlapi ah khual a tlawng.

MATTHAI 14:25

Cun khuangter hrawngah khin Jesuh cu an sin leiah cun a ke in ti cung cun a ra.

MATTHAI 20:11

Phaisa cu an i lak i rian ṭuan a fialtu hna cungah khan an zai.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

MATTHAI 25:10

Cucaah a hrutmi ngaknu hna cu zinan cawk awkah khan chawdawr ah cun an va kal i cu karah nupi ṭhi tlangvalpa cu a rak phan. Timh cia tein a ummi ngaknu panga hna cu nupi ṭhit rawldanghnak chungah khan amah sinah cun an lut i innka kha an khar.

MATTHAI 25:13

Cucaah cun, a ni siseh, a caan siseh, nan hngalh ṭung lo caah ralring tein um ko u.

MARKA 13:35

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.

MARKA 6:48

Thli kha anmah lei hoih in a hran caah a zultu hna nih khan an lawng zah cu an i harh ngai, ti kha a hei hmuh hna. Cucaah zinglei suimilam pathum le paruk kar hrawngah khin an sinah ti cung cun a ra i lonh hnek khi a zalh hna.

LUKA 12:38

Zanṭim i a ra ṭin a si ah, cu nak tlai deuh i a ra ṭin a si zongah, timhcia tein an um kha a ra hmuh hna cu, an caah zeitluk lawmh awk dah a si.

LUKA 12:39

Cun nannih nih hihi i cinken u: Inn ngeitu nih mifir a rat lai caan kha a hngalh ahcun mifir kha a inn cu a bauhter lai lo.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.