MATTHAI 23:8 - Lai (Hakha) Common Language Bible 2006

⁸ Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

Laibaibal Thiang (BSI)

⁸ Asinain nan nih cu, ‘Rabi’ i ti hlah u; zeitintiah Cawnpiaktu pakhat lawng lawng nan ngei, Krih Amah lawng lawng hi, nan dih lakin unau nan si.

MATTHAI 23:8 ပူးပေါင်းရင်းမြစ်များ

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 23:10

“Hruaitu” ti zong duh hlah u, zeicahtiah Messiah lawnglawng hi nan hruaitu cu a si ko.

MATTHAI 23:7

Zatlang lam ah mi nih upatnak in upatnak kan pe hna seh ti kha an duh i, “Saya, saya,” ti kha an tlaihchan.

MATTHAI 26:25

Leitu Judas nih khan a hun i thawh i, “Saya, keimah na ka ti duhnak cu a si i mei?” tiah a hal. Jesuh nih cun, “Na chim ko cu ta,” tiah a leh.

MATTHAI 26:49

Judas nih cun a phak cangka tein Jesuh cu a hei fuh i, “Saya, na cungah daihnak um ko seh,” tiah a ti i a hnamh colh.

MARKA 10:51

Jesuh nih cun, “Zeidah in tuahpiakning law na duh?” tiah a hal. Mitcawpa nih cun, “Saya, khua hmuh ṭhan ka duh,” tiah a leh.

MARKA 11:21

Peter cu thil a rak ummi kha a lung a hung pem i, “Saya, zohhmanh, chiat na serhmi theipi kung kha a thi diam ko,” tiah a ti.

MARKA 14:45

Judas nih cun a ra phak cangka in Jesuh cu a hei fuh colh i, “Saya,” a ti i a hnamh.

MARKA 9:5

Peter nih cun a hun thawh i Jesuh cu, “Saya, hika kan um hi thil ṭha a si. Deu pathum in kan sak lai, nang caah pakhat, Moses caah pakhat, Elijah caah pakhat,” tiah a ti.

LUKA 22:32

Sihmanhsehlaw Simon, na zumhnak a pur nakhnga lo nangmah caah thla ka cam. Cun keimah lei ah na hon i mer ṭhan tikah na unaule kha thazang na pek ve hna lai,” tiah a ti.

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 11:8

A zultu hna nih cun, “Saya, kan hnulei te ah khan Judah mi nih lung in cheh an in duh, cuka ah cun maw kal naa timh ṭhan ko lai?” an ti.

JOHAN 20:16

Jesuh nih cun, “Mary,” tiah a vun ti i amah leiah cun a vun i mer i Hebru holh in “Rabboni,” tiah a ti. (A sullam cu, saya tinak a si.)

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 3:26

Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.

JOHAN 4:31

Cu lioah cun Jesuh kha a zultu hna nih khan, “Saya, rawl ei tuah,” tiah an rak fial.

JOHAN 6:25

Mi nih khan rili khattelei ral i Jesuh cu an va hmuh tikah, “Saya, zeitik ah dah hika hi na phak?” tiah an ti.

JOHAN 9:2

A zultu hna nih khan, “Mitcaw in a chuahtertu hi aho sualnak dah a si? Amah sualnak maw a si a nu le a pa sualnak dah?” tiah an hal.

2 KORIN 1:24

Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

EFESA 3:15

amah hi vawlei cung i khua a sami innchungkhar vialte nih an min an i laknak hram a si.

FILEMON 1:16

Atu cu sal menmen a si ti lo, sal nak let tampi ṭha, Khrihfa chung i dawtmi unau a si cang. Kei nih cun ka dawt hringhran, nang nih zeitluk in dik na dawt chinchin lai — na caah sal lawng si ti loin Bawipa chung i unau a si cang.

JEIM 3:1

Ka u le ka nau hna, tam tuk cu saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh.

1 PETER 5:3

Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 22:9

Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa ṭialmi bia a zulmi na unau hna bantukin sal ka si ve ko. Pathian tu bia ko,” a ti.