MATTHAI 23:35 - Lai (Hakha) Common Language Bible 2006

³⁵ Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

Laibaibal Thiang (BSI)

³⁵ Abel midingpa thisen thawkin ṭempal le biakṭheng karlak i Barakiah fapa zekariah nan thahmi thisen tiang khan, miding nan thahmi thisen vialte kha nanmah cungah a tla te lai.

MATTHAI 23:35 ပူးပေါင်းရင်းမြစ်များ

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

2 SIANGPAHRANG 21:16

Cu hleiah Manasseh nih Judah mi kha a sualter hna caah Bawipa mithmuh i ṭhat lonak kha an tuah i, kha a sualternak hna a sualnak hleiah khan, a sual lomi thisen tampi a chuah fawn, Jerusalem cu khattelei deng in khattelei deng tiang a khat.

ISAIAH 14:21

I samnak cu thawk ko u! Hi siangpahrang fapa hna hi anmah a hringsortu hna sualnak ruangah hin an thi lai. An lakah ahohmanh vawlei uktu an um lai lo i vawlei cungah khua an ser lai lo.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEREMIAH 26:15

Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.

JEREMIAH 26:23

Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.

JEREMIAH 26:8

Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.

ZEKHARIAH 1:1

Siangpahrang Darius a bawi kum hnih kum, thla riat thla ah, Bawipa bia cu profet Zekhariah sinah a phan; Zekhariah cu Berekhiah fapa a si, Berekhiah cu lddo fapa a si:

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

BIAPHUAN 18:24

Profet hna le Pathian mi hna kha a chungah an thisen an chuah hna caah Babilon cu dantat a si cang; asi, vawlei cungah thah a simi vialte hna an thisen cu amah chungah cun hmuh an si dih!