MATTHAI 23:26 - Lai (Hakha) Common Language Bible 2006

²⁶ Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!

Laibaibal Thiang (BSI)

²⁶ Nang Farasih mitcaw, hrai le kheng chunglei kha ṭawl hmasa, cuticun a lenglei zong a thiang lai.

MATTHAI 23:26 ပူးပေါင်းရင်းမြစ်များ

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

MATTHAI 12:33

“Thingkung cu a kung na ṭhatter ahcun a thei a ṭha, a kung na chiatter ahcun a thei a chia. Thingkung cu a tlai in hngalh khawh a si.

MATTHAI 14:8

A nu nih a chimh bangin, “Hika hrimhrim ah hin Tipil petu Johan lu kha kheng in ka pe,” tiah a hal.

MARKA 7:4

cun chawdawr i an va cawkmi thil zong kha a ningcang tein an ṭawl hna lo ahcun an ei fawn hna lo. Cuticun an pupa hna nih an chimhmi hna phung dangdang zong an zulhmi tampi a um, a biana ah hrai ṭawlning tehna, um ṭawlning tehna, darkheng ṭawlning tehna le ihkhun ṭawlning tehna an si.

LUKA 11:39

Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan ṭawl tawn hna, sihmanhsehlaw a chunglei ah cun hakkauhnak le ṭhat lonak in nan khat.

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.