MATTHAI 23:16 - Lai (Hakha) Common Language Bible 2006

¹⁶ “Lamhruaitu mitcaw hna, nan caah ngaihchia a va si dah! Nan i thawh i, ‘Mi nih Biakinn in chiat a ser ahcun a chiatsernak nih khan a tlai lo, sihmanhsehlaw Biakinn chung i a ummi sui khan chiat a ser ahcun a chiatsernak nih khan a tlaih,’ tiah nan cawnpiak hna.

Laibaibal Thiang (BSI)

¹⁶ Nannih hruaitu mitcaw hna! Ṭempal chalh in biakam cu zeihmanh a si lo, asinain ṭempal i sui chalh i biakammi tu tlinter ding a si titu hna, ngaihchia nan va si dah!

MATTHAI 23:16 ပူးပေါင်းရင်းမြစ်များ

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 23:17

Mitcaw mihrut hna. A zei cu dah a biapi deuh? Sui cu maw asiloah sui a thiantertu Biakinn cu dah?

MATTHAI 23:19

Nan mit a va caw hringhran dah! A zei cu dah a biapi deuh? Laksawng cu maw, asiloah laksawng a thiantertu biakṭheng cu dah?

MATTHAI 23:24

Lam hruaitu mitcaw hna. Fikfa kha kan i din chih sual lai tiah, heh tiah nan zet, asinain kalauk kha nan lemh ṭung!

MATTHAI 23:26

Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!

GALATI 5:3

Cuarpar aa tanmi nih cun Nawlbia kha a ning piin a zulh lawlaw awk a si ti kha aho nan si hmanh ah hngalhter ṭhan kan duh hna.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.