MATTHAI 23:13 - Lai (Hakha) Common Language Bible 2006

¹³ “Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

Laibaibal Thiang (BSI)

¹³ Nannih nawlbia cawnpiaktu le Farasih depde hna, ngaihchia nan va si dah! Zeitintiah vanbawi pennâk kha mi nan kharkanh hna, nanmah le nan lut duh lo, luh a duhmi zong nan kham hna.

MATTHAI 23:13 ပူးပေါင်းရင်းမြစ်များ

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ZEKHARIAH 11:17

A tuu a zamtakmi tuukhal, zeiruaramlo cu a caah ngaihchia a va si dah! A baan cungah le a orhlei mit ah vainam nih a tlak lai; A baan cu a car lai i a orhlei mit cu a caw lai.

MATTHAI 23:16

“Lamhruaitu mitcaw hna, nan caah ngaihchia a va si dah! Nan i thawh i, ‘Mi nih Biakinn in chiat a ser ahcun a chiatsernak nih khan a tlai lo, sihmanhsehlaw Biakinn chung i a ummi sui khan chiat a ser ahcun a chiatsernak nih khan a tlaih,’ tiah nan cawnpiak hna.

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

MATTHAI 23:25

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Nan hrai le nan kheng cu a lenglei kha thiang hirhiar tein nan ṭawl hna, asinain a chung cu nan firmi thil le mah karkalak huih lungthin he mi nan va chuhmi hna thil in a khat ṭung.

MATTHAI 23:27

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

MATTHAI 23:29

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Profet kha thlan ṭhaṭha nan serpiak hna i mithiang mi hna lungphun kha nan ṭamh,

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

LUKA 11:52

“Nannih Phungbia cawnpiaktu saya hna, nan caah ṭihnung a va si dah. Hngalhnak innka hunnak tawh kha nannih nih nan ken, nanmah cu nan lut duh ṭung lo i luh aa zuammi hna zong kha nan dawnh fawn ṭung hna,” tiah a ti.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

JOHAN 9:24

Mitcaw cia in a chuakmipa cu an auh ṭhan i, “Biatak ka chim lai tiah Pathian hmaika ah bia i kam. Hi pa hi misual a si ti kha kan hngalh,” an ti.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

LAMKALTU 13:8

Sihmanhsehlaw annih cu camhthiam Elimas (cucu a Grik min a si) nih khan a rak al hna i uktu bawi kha Pathian cu zum hlah seh tiah kham aa zuam.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

LAMKALTU 5:40

Lamkaltu kha an auh hna i fung in an tuk hna i Jesuh min in bia chim hrimhrim ti hlah u, tiah an ti hna i an thlah hna.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

2TIMOTE 4:15

Cun nangmah zong amah cu i ralring, zeicahtiah kan bia kha fak piin a do zungzalmi a si.