MATTHAI 22:4 - Lai (Hakha) Common Language Bible 2006

⁴ Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

Laibaibal Thiang (BSI)

⁴ Sinum dang a thlah ṭhan i an sinah, ka sawmmi hna sinah, rawl ei awk ka timh dih cang ka cawpa le satil thau thau ka thah hna i timh cia tein a um dih cang, ṭhit umhnâk rawl ei awkah ra cang u, tiah nan ti hna lai,” tiah a ti hna.

MATTHAI 22:4 ပူးပေါင်းရင်းမြစ်များ

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

PHUNGTHLÛKBIA 15:17

Dawtnak aa telnak zanriah cu an hringso he lawng hmanh siseh law, a thaumi caw sa in tuahmi zanriah, huatnak aa telmi nakin a ṭha deuh.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

MATTHAI 21:36

Cun dum ngeitu nih cun hmasa nak tam deuh in sal dang a thlah ṭhan hna, sihmanhsehlaw hmasa bantuk ṭhiamṭhiam khan an rak tuah hna.

MATTHAI 22:5

Sihmanhsehlaw a sawmmi hna nih khan zeihmanh ah an rak rel lo i a cheu cu an lo ah an kal, a cheu cu an chawdawr ah an kal,

MATTHAI 22:8

Cun a sinum kha a auh hna i, ‘Nupi ṭhit rawl danghnak ka tuahmi cu timh dih a si cang; asinain ka sawmmi hna cu upatnak hmuh awkah an i tlak lo.

LUKA 14:17

Rawldanghnak caan cu a cut tikah a sinum kha, ‘Ra cang u, zeizong vialte timh a si dih cang,’ tiah a sawmmi hna cu va ti hna, tiah a thlah.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?