MATTHAI 22:30 - Lai (Hakha) Common Language Bible 2006

³⁰ Mithi cu nunter ṭhan an si tikah vancungmi bantuk an si lai i an i ṭhi in an i um ti lai lo.

Laibaibal Thiang (BSI)

³⁰ Zeitintiah thawhṭhannâkah cun nupi le pasal an i ngei ti lai lo, van i Pathian vanmi hna bantuk an si lai.

MATTHAI 22:30 ပူးပေါင်းရင်းမြစ်များ

SALM 103:20

Nannih a ṭhawng i a liannganmi vancungmi hna, Bawipa cu thangṭhat tuah u; a nawlbia kha a ngai i a chimmi a tuahmi vialte hna, Bawipa cu thangṭhat tuah u!

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

MATTHAI 13:43

Cun Pathian mi hna cu an Pa Pennak chungah ni bangin an ceu lai. Cucaah hna nan ngeih ahcun, thei ko u,” tiah a ti.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 22:31

Mithi thawhter ṭhan an sinak kong ah cun, Pathian nih nanmah hrimhrim an chimhmi hna kha nan rel bal lo maw?

MATTHAI 24:38

Tilian a tlun hlan, Noah lawng chung i a luh ni tiang kha, an ei an ding an i ṭhi an i um i

LUKA 17:27

Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.