MATTHAI 22:11 - Lai (Hakha) Common Language Bible 2006

¹¹ “An sawmmi hna va zoh awkah khan siangpahrang cu a vung lut i nupi ṭhitnak puan aa aih lo mi pakhat a hmuh.

Laibaibal Thiang (BSI)

¹¹ Siangpahrang cu a sawmmi hna zoh awk i a rat tikah an lakah ṭhitumhnâk puan â aih lomi pakhat a hmuh i

MATTHAI 22:11 ပူးပေါင်းရင်းမြစ်များ

2 SIANGPAHRANG 10:22

Cun hnipuan chiahnak a zohkhenhtu sinah khan, “Thilpuan kha Baal biatu vialte hna caah hin rak chuah hna,” tiah a ti. Cucaah thilpuan cu a chuahpiak hna.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.

MATTHAI 13:30

Rawl kung le belh cu hmunkhat ah rawl ṭuan caan tiang ṭhang ṭi ko hna seh. Cun khi tikah rawl ṭuantu pawl cu ka thawh hna lai i: Belh kha bawt hmasa hna u law mei chung i paih awkah tom hna u; cun rawl kha ṭuan hna u law ka buk chungah rawn hna u, ka ti hna lai,’ a ti,” tiah a ti.

MATTHAI 22:10

Cucaah a sinum hna cu zatlang lampi ah khan an va kal i an hmuhmi hna paoh kha, a chia a ṭha thlu loin, an va pumh hna i rawl danghnak khaan cu mi an khat dih.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 5:3

cu inn in thuamh kan si tikah pum loin kan um lai lo.

GALATI 3:27

Khrih chungah tipil nan ing i Khrih nunnak in nan i thuam.

EFESA 4:24

Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.