MATTHAI 21:37 - Lai (Hakha) Common Language Bible 2006

³⁷ A donghnak ah a fapa kha a hei thlah. ‘Ka fapa cu an rak hmaizah ṭheoṭheo lai,’ tiah a ti.

Laibaibal Thiang (BSI)

³⁷ A hnu bik ah, ka fapa cu an rak hmaizah deuh lai a ti i a thlah ṭhân.

MATTHAI 21:37 ပူးပေါင်းရင်းမြစ်များ

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

ZEFANIAH 3:7

Ka cawnpiaknak vialte kha a hngalh ṭhan lai ti ruahchannak in, “A ṭih cu ka ṭih ko law kan chimhhrinnak cu na lung chungah i ken ko,” ka ti. Sihmanhsehlaw hmasa nak hmanh khan ṭhat lonak tuah kha an duh deuh; tuante khan an tho i ṭhat lonak tuah awkah khan an i chawk.

MATTHAI 21:36

Cun dum ngeitu nih cun hmasa nak tam deuh in sal dang a thlah ṭhan hna, sihmanhsehlaw hmasa bantuk ṭhiamṭhiam khan an rak tuah hna.

MATTHAI 21:38

Sihmanhsehlaw dum hlanhmi pawl nih khan a fapa cu an rak hmuh tikah an i thawh i, ‘Hihi dum ngeitu fapa a si. Ra u, that u si law a thilri hi i lak u sih,’ an ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

MARKA 12:6

Thlah dingah a taangmi cu dum ngeitu fapate a dawt ngaingaimi lawng kha a si cang. A hmanung bik ah a fapa cu dum a hlanhmi hna sinah cun a hei thlah i, ‘Ka fapa hi cu an hmaizah ṭheo lai,’ tiah a ti.

LUKA 20:13

Cu tikah dum ngeitu nih cun aa thawh i, ‘Zeitindah ka tuah lai? Ka dawtmi ka fapa thengte hi ka hei thlah lai; amah cu an rak hmaizah ṭheo lai,’ tiah a ti.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 1:34

Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.