MATTHAI 21:23 - Lai (Hakha) Common Language Bible 2006

²³ Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

Laibaibal Thiang (BSI)

²³ Ṭempal chung i a luh hnu i a cawnpiak lio ah, tlângbawi le upa hna nih an rak panh i, “Aho nawl in dah hi thil hi na tuah? Aho nih dah hi nawl ngeihnâk hi an in pêk? tiah an ti.

MATTHAI 21:23 ပူးပေါင်းရင်းမြစ်များ

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

MATTHAI 20:4

Annih cu, ‘Nannih zong ka dum ah rian va ṭuan u law a tawkzawn in kuli man cu kan pek hna lai,’ a ti hna i

MATTHAI 21:24

Jesuh nih cun, “Bia pakhatte kan hal ve hna lai i nan ka leh ahcun, zei nawl in dah hi thil cu ka tuah hna, ti kha kan chimh ve hna lai.

MATTHAI 24:1

Jesuh cu Biakinn khan a chuak i a kalpah ah khan a zultu hna cu a sinah khan an ra i Biakinn le Biakinn he aa pehtlaimi inn hna kha an hmuhsak.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

LUKA 19:47

Jesuh nih Biakinn ah khan nifate in a cawnpiak hna. Tlangbawi upa pawl hna le Phungbia cawnpiaktu saya hna le hruaitu pawl nih khan thah an duh,

LUKA 20:1

Ni khat cu Jesuh cu Biakinn i mizapi a cawnpiak lio hna le Thawngṭha kong a chimh lio hna ah tlangbawi upa pawl le Phungbia cawnpiaktu saya hna le upa pawl kha an ra i,

LAMKALTU 4:7

Lamkaltu hna kha an hmaiah an dirter hna i, “Mah hihi zeitindah nan tuah? Zei ṭhawnnak dah nan ngeih? Aho min dah nan hman?” tiah an hal hna.

LAMKALTU 7:27

Sihmanhsehlaw a sual deuhpa nih khan Moses cu a nam i, “Aho nih dah nangmah cu kan cung i uktu bawi ah an in ser?