MATTHAI 21:11 - Lai (Hakha) Common Language Bible 2006

¹¹ “Hi pa hi Galilee ram Nazareth khuami profet Jesuh a si,” tiah mibupi nih khan an leh hna.

Laibaibal Thiang (BSI)

¹¹ Mizapi nih, ‘Hihi Jesuh, Galili ram i Nazareth khua mi Profet a si, tiah an ti.

MATTHAI 21:11 ပူးပေါင်းရင်းမြစ်များ

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

MATTHAI 21:10

Jerusalem khua chungah an va luh tikah a khuapi in an i tuai i, “Hi pa hi ahodah a si?” tiah mi nih khan an rak hal hna i,

MATTHAI 21:26

minung sinin kan ti ahcun, Johan cu profet a si, tiah mi nih an dihlak in an zumh caah zeitindah kan cungah an tuah lai ti kha phan awk kan si fawn,” an ti.

MATTHAI 21:46

cucaah tlaih kha an i zuam. Asinain mizapi nih khan Jesuh cu profet a si tiah an zumh caah an ṭih hna.

MARKA 6:15

Sihmanhsehlaw a cheu nih cun, “Elijah a si,” an ti. Cun a cheu nih cun, “Hlanlio profet ngan pakhatkhat hna bantuk khan profet a si ve ko,” an ti.

LUKA 13:33

Sihmanhsehlaw nihin le thaizing le kiptuh cu ka kal ko rih lai, zeicahtiah profet cu Jerusalem khuachung dah ti lo ahcun khuazei hmanh ah thah phung a si ṭung lo.

LUKA 24:19

Cun anih nih, “Zei thil hen dah?” tiah a ti. “Nazareth khuami Jesuh cung i a tlungmi thil cu hen ta,” tiah an leh. “Hi pa cu profet a si i Pathian hmaiah mi vialte nih a chimmi le a tuahmi ah hmual ngeimi a si, tiah an ruah.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

JOHAN 1:25

“Nangmah cu Messiah zong na si lo, Elijah zong na si lo, profet zong cu na si fawn ṭung lo ahcun, zeicahdah tipilnak kha na pek len kun hna?” an ti.

JOHAN 4:19

Minu nih cun, “Bawipa, profet na si hi ta.

JOHAN 6:14

Cuka i a ummi hna nih cun hmelchunhnak a tuahmi kha an hmuh tikah, “Hi pa hi vawlei cungah a ra lai timi Profet kha a si hrimhrim ko,” an ti.

JOHAN 7:40

Cu bia cu an theih tikah mi a cheu nih, “Hi pa hi Profet kha a si hrimhrim ko,” an ti.

JOHAN 9:17

Cucaah Farasi mi hna nih khan mipa cu an hal ṭhan i, “Na mit an damter va si kaw, zeitindah amah cu na ruah?” an ti. “Amah cu profet a si, tiah ka ruah,” tiah a leh hna.

LAMKALTU 7:37

Israel mi sinah, ‘Pathian nih keimah a ka thlah bantukte hin profet pakhat an thlahhnawh te hna lai i amah cu nanmah chungmi a si lai,’ a ti, tiah a rak titu kha Moses cu a si.