MATTHAI 20:6 - Lai (Hakha) Common Language Bible 2006

⁶ Cun chawdawr ah khan a va kal ṭhan i cuka ah cun mi a cheu an rak dir ko rih kha a hmuh hna, cu ah cun zanlei suimilam panga a si dengmang cang. ‘Zeicahdah chun nitlak zei tuah loin nan um sawhsawh ko?’ tiah a hal hna i,

Laibaibal Thiang (BSI)

⁶ Cun zanlei pa nga hrawngah ava chuak ṭhân i a dir sawsawh mi midang kha a hmuh ṭhân hna. Zeicadah ni tlâk te nan dir ko? tiah a ti hna.

MATTHAI 20:6 ပူးပေါင်းရင်းမြစ်များ

PHUNGTHLÛKBIA 19:15

Thathutnak nih mitkuh thu chungah a paih tawn hna, Mithathu cu rawlṭamnak a ing lai.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

EZEKIEL 16:49

Amah le a fanu hna cu chawva le rawl tampi an ngeihmi kha an i porhlaw i hnangam le nuam ngaiin an um i sihmanhsehlaw misifak le mirethei kha an bawm bal hna lo.

MATTHAI 20:5

cucaah an kal. Cun cu bantuk ṭhiamṭhiam cun chun suimilam hleihnih le zanlei suimilam pathum ah khan a tuah ṭhan.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 20:9

Suimilam panga ah ṭuan aa thawkmi pawl kha ngun tangka phar khat cio a pek hna.

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.

LAMKALTU 17:21

(Athens khuami hna le khika i a ummi ramdangmi vialte hna cu thil thar bik kong paoh, i chimh i ruah le va ngaihnak ah an caan vialte a hmang dihmi an si).

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.