MATTHAI 20:30 - Lai (Hakha) Common Language Bible 2006

³⁰ Lam pawng i a ṭhumi mitcaw pahnih hna nih khan Jesuh a kal ti thawng cu an theih tikah, “Maw David Fapa! Kan zaangfah tuah, bawipa,” tiah an au.

Laibaibal Thiang (BSI)

³⁰ Cun ngaihmanh mit caw pahnih lamkam i a ṭhumi hna nih Jesuh a lan lio ti an hngalh le cang ka, “Bawipa, David fapa kan zângfah ko,” tiah an au.

MATTHAI 20:30 ပူးပေါင်းရင်းမြစ်များ

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 42:18

Bawipa nih aa thawh i, “A hna a chetmi hna, ngai tuah u! A mit a cawmi hna, ṭha tein zoh tuah u.

ISAIAH 59:10

mitcaw bantukin a dah in kan i dap. Chun ah zan bantukin kan i chuih i kan ril, mithi khua a muimi i a ummi bantuk khi kan lo hna.

MATTHAI 13:4

Aa thawh i, “Thlaici vorh ah mipa pakhat cu aa thawh. Lo chung i thlaici cu a vorh tikah a cheu cu lam hril ah an tla i cu hna cu vate nih an char hna.

MATTHAI 15:22

Cuka ram i a ummi Kanaan minu pakhat cu a sinah a ra i, “David Fapa, ka zaangfah tuah. Ka fanu cu khuavang nih a tuah i awlokchong in a um ko,” tiah fak piin a au.

MATTHAI 20:31

Mizapi nih cun an sik hna i dai u, tiah an ti hna. Sihmanhsehlaw thang chinchin in, “Maw David Fapa, kan zaangfah tuah, bawipa,” tiah an au.

MATTHAI 21:14

Mitcaw mi le kebei mi kha biakinn chungah cun a sinah khan an ra i a rak damter hna.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

MATTHAI 22:42

“Messiah kong hi zeitindah nan ruah? Aho hrinsor dah a si?” tiah a hal hna. Annih nih “David hrinsor a si,” tiah an leh.

MARKA 10:46

Jesuh le a zultu hna le mibupi cu Jeriko khua kha an phan. Jeriko khua cun an i thawh lioah khin lam pawngah mitcaw Bartimu, Timau fapa kha a ṭhu i thil a hal hna.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 7:21

Cu caan lio thengte ah cun Jesuh nih mi tampi kha an zawtnak le an nganfahnak, thlarau ṭhalo nih a tuah hnanak khan a damter hna i mitcaw tampi kha khua a hmuhter hna.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.