MATTHAI 20:22 - Lai (Hakha) Common Language Bible 2006

²² Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

Laibaibal Thiang (BSI)

²² Jesuh nih, “Nan halmi hi nan hngalh lo caah a si. Ka dinmi hrai nan ding kho lai maw? cun baptisma ka in ding nan ing kho ve lai maw? tiah a leh hna. Annih nih, “Kan ti khawh ko lai,” tiah an ti.

MATTHAI 20:22 ပူးပေါင်းရင်းမြစ်များ

SALM 75:3

Vawlei le a cung i a ummi minung vialte hi lo dih hna hmanh seh law vawlei hram cu fek tein ka umter lai.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

ISAIAH 51:17

Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

JEREMIAH 49:12

“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

MATTHAI 26:35

Peter nih cun, “Na sin i ka thih ve ding a si hmanh ah, amah cu ka hngal lo, kan ti bal lai lo,” tiah a leh. Cu bantuk cun zultu dang vialte zong nih khan an ti cio.

MATTHAI 26:39

Hmailei ah khin tlawmpal a va kal i vawlei ah a bawk i, “Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah thla a cam.

MATTHAI 26:42

Cun Jesuh cu a va kal ṭhan i, “Ka Pa, hi hrai hi din loin hrial khawh a si lo ahcun, nangmah duhnak bangin si ko seh,” tiah thla a cam.

MATTHAI 26:56

Sihmanhsehlaw hi thil vialte hi bantukin a sinak cu profet nih Cathiang chungah an rak ṭialmi kha a tlinnak ding caah a si,” a ti. Cun a zultu hna nih khan an dihlak in an zamtak i an le dih.

MARKA 14:36

“Ka Pa, ka Pa, nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh,” tiah a ti.

LUKA 12:50

Tipil in awk pakhat ka ngei i cucu a dih hlanah cun ka lungre a va thei dah.

LUKA 22:42

“Ka Pa, na hna a tlak ahcun hi hrai hi ka ṭhialpiak ko. Sihmanhsehlaw keimah nawl si loin nangmah nawl si ko seh,” tiah a ti. (

JOHAN 18:11

Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.