MATTHAI 20:21 - Lai (Hakha) Common Language Bible 2006

²¹ “Zeidah na duh?” tiah Jesuh nih cun a hal i, “Siangpahrang na si tikah ka fapa pahnih hna hi na orhlei le na kehlei ah an ṭhutnak hnga, bia ka kam law ka duh,” tiah a leh.

Laibaibal Thiang (BSI)

²¹ Anih nih, “Zeidah na duh,” tiah a ti. Anih nih, “Hi ka fapa pahnih hna hi na pennâkah na orhlei le na kehlei i an ṭhut khawh nâkhnga, ka hna tlâkpi hrâm ko,” tiah a ti.

MATTHAI 20:21 ပူးပေါင်းရင်းမြစ်များ

1 SIANGPAHRANG 2:19

Cucaah Bathsheba cu Solomon Siangpahrang sinah, Adonijah airawl in bia va chim awkah a kal. Cun siangpahrang cu amah ton awkah khan a tho i a hmaiah cun a kun; cun a bawi ṭhutdan cungah khan a ṭhu i siangpahrang bawipa nu caah cun ṭhutdan a rak putter hna i a orhlei kamah khan a ṭhu.

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

ESTHER 5:3

Cun amah cu siangpahrang nih cun a thawh i, “Zeidah a si? Siangpahrang bawinu Esther? Zeidah na ka hal duhmi a si? Nangmah cu pek na si lai, ka ram hnarcheu tiang hmanh in,” tiah a ti.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 45:9

Na inn i a ummi bawinu hna lakah khan siangpahrang fanu zong an um, cun na bawiṭhutdan orhlei kamah khan siangpahrang bawinu cu a dir, sui ṭha bik in sermi hlawn in aa ṭamh.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

MATTHAI 18:1

Cu caan ah cun a zultu hna kha Jesuh sinah khan an ra i, “Vancung Pennak ah ahodah a ngan bik?” tiah an hal.

MATTHAI 19:28

Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

MATTHAI 20:32

Jesuh cu a dir i a kawh hna i, “Zeidah kan tuahpiak seh, ti nan ka duh?” tiah a hal hna.

MARKA 10:51

Jesuh nih cun, “Zeidah in tuahpiakning law na duh?” tiah a hal. Mitcawpa nih cun, “Saya, khua hmuh ṭhan ka duh,” tiah a leh.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

MARKA 6:22

Herodias fanute kha a rung lut i a laam i Herod le a sawmmi bawi hna cu an lung a ton ngaingai hna. Cucaah siangpahrang nih cun ngakchianute cu a thawh i, “Zeidah na duh hnga? Na duhmi paoh kan pek lai,” tiah a ti.

LUKA 18:41

“Zeidah ka tuahpiak seh ti na ka duh?” tiah a hal. “Bawipa, khua hmuh ṭhan ka duh,” tiah a leh.

LUKA 19:11

Hi bia a chimmi a theimi hna sinah khan hi tahchunhnak bia hi a chim. Jerusalem khua kha a hei phanh dengmang cang caah Pathian Pennak kha a lang hnik lengmang cang tiah an ruah.

LUKA 22:24

Cun a zultu hna lakah khan, ahodah a ngan bik ah ruah awk a si, ti bia alnak kha a chuak.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

LAMKALTU 1:6

Jesuh le a lamkaltu hna cu hmunkhat i an um tikah khan, a lamkaltu hna nih cun an thawh i, “Bawipa, atu caan ah hin maw Israel mi cu uknak kha na pek ṭhan hna lai?” tiah an hal.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

KOLOSE 3:1

Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi ṭhutdan cung i a ṭhutnak vancung khua chung i a ummi thil tu kha nan lung in i seh chih hna u.