MATTHAI 2:4 - Lai (Hakha) Common Language Bible 2006

⁴ Tlangbawi upa vialte hna le Phungbia cawnpiaktu saya hna kha a pumh hna i, “Khuazei ah dah Messiah cu a chuah lai?” tiah a hal hna.

Laibaibal Thiang (BSI)

⁴ Tlângbawi upa le phungbia cawnpiaktu kha a kawh hna i Krih chuahnâk kong kha a hal hna.

MATTHAI 2:4 ပူးပေါင်းရင်းမြစ်များ

2 CHANRELNAK 34:13

thil phortu hna zohkhenhtu an si i rian phun zakip a ṭuanmi hna kha hmuhsaktu an si; cun Levi mi a cheukhat cu caṭialtu le bawi le kutka cawngtu an si.

2 CHANRELNAK 34:15

Cun Hilkiah nih cazin ṭialtu Safan sinah cun, “Phungbia cauk Bawipa inn chungah ka hmuh,” tiah a ti; cun Hilkiah nih cauk cu Safan kha a pek.

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

EZRA 10:5

Cucaah Ezra cu a tho i tlangbawi hna lak i hruitu deuhdeuh hna kha le Levi mi hna le Israel mi vialte kha an chim cang bantuk khan tuah awkah chiat a serter hna. Cucaah chiat cu an ser.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

NEHEMIAH 12:7

Sallu, Amok, Hilkiah, Jedaiah; mah hna hi tlangbawi hna le an unau hna lakah, Jeshua chan ah khan upa bikbik cu an si.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 2:3

Cu bia cu Siangpahrang Herod nih a theih tikah a awlok a chong ngaingai i cu bantuk cun Jerusalem khuami vialte hna zong kha an si ve.

MATTHAI 2:5

Annih nih, “Judea ram Bethlehem khua ah,” tiah an leh. “Cun Profet nih a rak ṭialmi cu hihi a si:

MATTHAI 21:15

Tlangbawi upa le Phungbia cawnpiaktu saya hna nih khan khuaruahharmi thil a tuahmi kha an hmuh i ngakchia nih, “David Fapa cu thangṭhat u,” tiin biakinn chungah an au kha an theih tikah an thin a hung i

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

MATTHAI 26:3

Cun tlangbawi upa pawl le Judah mi upa hna kha Tlangbawi Ngan Kaiafas innpi ah cun an i pum i

MATTHAI 26:47

Bia a chim lengmang lioah cun a zultu hleihnih lak i a rak i tel vemi Judas kha a ra phan. Tlangbawi upa pawl le Judah upa hna nih an thlahmi mi runpi kha nam le thingtan i put in aa ratpi hna.

MATTHAI 27:1

Zingkate ah tlangbawi upa pawl vialte hna le Judah upa hna cu an i pum i Jesuh thahnak ding khua kha an khang.

MATTHAI 7:29

zeicahtiah phungbia cawnpiaktu saya hna bantuk khan si loin hmual ngei ngaiin a cawnpiak hna.

MARKA 8:31

Jesuh nih cun a zultu kha a cawnpiak hna i, “Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai. Thihnak ka huah lai i ni thum hnuah ka tho ṭhan lai,” tiah a chimh hna.

LUKA 20:19

Phungbia cawnpiaktu saya hna le tlangbawi upa hna nih khan Jesuh cu tlaih colh an duh, zeicahtiah hi bianabia hi kanmah a kan chimhnawh ti kha an i hngalh, sihmanhsehlaw mizapi kha an ṭih hna.

LUKA 23:10

Tlangbawi upa pawl hna kha le Phungbia cawnpiaktu saya hna kha an chuak i Jesuh cu fak piin sual an puh.

JOHAN 18:3

Judas cu dum ah cun a va kal i tlangbawi upa hna le Farasi mi hna nih an fialmi ralkap tlawmpal le biakinn cawngtu palik nih khan an zulh; hriamnam kha an i put i meiinn le meifar zong kha an i vanh.

JOHAN 3:10

Jesuh nih cun a thawh i, “Nang cu Israel mi cawnpiaktu saya ngan na si i hi hmanh na hngal lo maw?

JOHAN 7:32

Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

JOHAN 8:3

Phungbia cawnpiaktu saya hna le Farasi mi hna nih khan, minu pakhat va cungin pa aa duh lio i an tlaihmi kha an run luhpi i zapi hmaiah cun an dirter.

LAMKALTU 23:9

An aukhuan cu a thang deuh lengmang i Phungbia cawnpiaktu saya cheukhat, Farasi mi pawl a simi kha an dir i fak piin an al hna i, “Hi pa hi a palhnak zeihmanh kan hmu kho lo. Thlarau nih maw vancungmi nih dik a chawnh taktak ko lai,” an ti.

LAMKALTU 4:5

A thaizing ah cun Judah mi hruitu hna le upa hna le Phungbia cawnpiaktu saya hna kha Jerusalem ah khan an i pum.

LAMKALTU 6:12

Cuticun mizapi le upa hna le Phungbia cawnpiaktu saya hna kha an tuai hna. Steven cu an fuh i an tlaih i khawngsil hmaiah an chuahpi.