MATTHAI 2:11 - Lai (Hakha) Common Language Bible 2006

¹¹ Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

Laibaibal Thiang (BSI)

¹¹ Cubangin inn chung an luh tikah, Naute cu a nu Mary he an hmuh, cun an bawk i an biak. Cuticun an robawm kha ong in Sui, Frankinsen le Mura kha laksawng an pêk.

MATTHAI 2:11 ပူးပေါင်းရင်းမြစ်များ

GENESIS 43:11

An pa Israel nih cun, “Cu ti bantukin a si awk a si ahcun, hitihin tuah u: hi ram chung thil chuak ṭha bikbik kha i phorh hna u, mitsur thei car tlawmpal, khuaihliti tlawmpal, hangṭamh, hru thei le almon thei, hi hna hi nan sawngkhoi chungah i sanh hna u law mipa cu laksawng ah vung phorh u.

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 10:2

Jerusalem ah cun mizul tampi he, zihmui a phormi kalauk hna le sui tampi le lungvar hna he a ra i Solomon sinah a phak tikah a lung chung i a ummi vialte cu a chimh dih.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 45:8

Mura zihmui le aloes zihmui le kassia zihmui in na puan cu na namter hna i vui ho in sakmi siangpahrang inn ah khan hla dawh tum thiam nih an in conglawmh.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 72:15

Siangpahrang cu saupi nung ko seh! Arabia ram in sui rak pe hna seh; a zungzal in thlacampiak hna seh; Pathian nih a zungzal in thluachuahnak pe seh.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

EXODUS 30:23

“Zihmui phun ṭha bik kha la hna: mura zihmui a ti pawng kul, a rim a hmui in a hmuimi nakzik pawng hra, a rim a hmuimi fu pawng hra,

EXODUS 30:34

Bawipa nih Moses cu, “A tanglei zihmui, stakte, onikha, galbunum le frankinsen thiang kha aa zat cio ah la hna law

SOLOMON HLA 3:6

Zei hna dah maw fing le tlang lakin ra ai cu, Frankinsen zihmui le maw mura khu khi bang, Chawlet nih maw an zuar tawn zihmui khu a hluan.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

LEVITIKAS 6:15

Cun pakhat nih changvut thawinak changvut dip cu pei khat in a lak lai, changvut thawinak cung i a ummi chiti le frankinsen vialte he, cun mah hihi hngalh camcinnak caah Bawipa ca i rimthaw ah biakṭheng cungah a khangh lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 7:14

cun sui pakan pakhat shekel pahra a ritmi, zihmui a khatte in,

NAMBAR 7:86

sui pakan hleihnih hna kha, zihmui a khat cio ah, pakhat ah shekel pahra cio, hmunthiang shekel ningin, pakan chung i sui vialte cu shekel za khat le kul a si;

MATTHAI 1:18

Jesuh Khrih a chuahning cu hitihin a si: A nu Mary cu Josef he khan an i ham i asinain an i umh hlanah Thiang Thlarau in nau ka ngei lai ti kha a hngalh.

MATTHAI 12:46

Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

MATTHAI 14:33

Lawng chung i a ummi a zultu hna nih khan Jesuh cu an biak i, “Nangmah cu Pathian Fapa na si hrimhrim,” tiah an ti.

MATTHAI 2:10

Arfi an hmuh ṭhan caah cun an i lawm tuk hringhran.

MATTHAI 2:2

“Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

LUKA 2:16

Cucaah khulrang in an kal i Mary le Josef cu an va ton hna i ngakchiate cu caw rawl einak kuang chung i a rak ih ko kha an va hmuh.

LUKA 2:38

Amah zong cu, cu caan te ah cun a ra ve i Pathian cu a thangṭhat i Pathian nih Jerusalem cu a tlanh ṭhan lai tiah a hngakmi vialte hna sinah khan ngakchiapa kong kha a chim.

JOHAN 19:39

Jesuh ton awkah zan i a rak kalmipa Nikodemu zong kha Josef sinah cun a kal i zihmui pawng za khat tluk, mura le aloes cawhmi kha aa ken.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.