MATTHAI 19:9 - Lai (Hakha) Common Language Bible 2006

⁹ Cucaah hihi kan chimh hna: Ahohmanh nih a nupi kha, zumh awktlak loin a um ti ṭung lo ahcun, a mak i nu dang a ṭhit ahcun, nu le pa sualnak a tuah a si,” a ti.

Laibaibal Thiang (BSI)

⁹ Kei nih cun nupa sualnâk an tuah ruangah si loin, nupi a ma i midang a `himi pauh cu ṭangdang kaimi an si. Cun mâkmi a `hitu zong ṭangdang kai a si,” tiah kan ti hna.

MATTHAI 19:9 ပူးပေါင်းရင်းမြစ်များ

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:8

Kha zumhawktlak lo Israel kha, vacung in pa aa duh caah maknak ca he ka kalter zong kha a hmuh fawn. Sihmanhsehlaw a unaunu, hlenhmang Judah kha a thin a phang lo, amah zong cu a kal i hlawhhlangnu kha aa celh ve lehlam.

EZEKIEL 16:15

“Sihmanhsehlaw naa dawhnak cu naa zum ciammam i na minthannak cu hlawhhlannak ah na hman i khualtlawngmi kip kha na rak i duh hna.

EZEKIEL 16:29

Chawleh chawhrawlnak ram Khaldia ram ah khan nu le pa sualnak cu rel cawk lo na tuah, asinain hi hmanh ah hin naa za hlei fawn lo.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

MATTHAI 19:10

Cun a zultu hna nih khan, “Nu le va kong ah, hitihin a si awk a si ahcun, i ṭhitumh lo a ṭha deuh,” an ti.

MATTHAI 19:8

Jesuh nih cun, “Moses nih nan nupile nan mak khawh hna tiah nawl an pek hna cu, chimh nan har tuk ruangah a si. Sihmanhsehlaw cuticun a hramthawknak caan ah cun a rak si lo.

MATTHAI 5:32

Sihmanhsehlaw kei nih cun, hitihin ka ti: Mipa nih a nupi kha, zumhawktlak loin a um ti ṭung lo i a mak ahcun, a nupi kha va a ngeih tikah vacung in pa a duhter a si, cucaah mipa kha a sual; cun amah a rak ṭhitu zong kha a sual ve ṭhiamṭhiam.

LUKA 16:18

“Ahohmanh a nupi a ma i nu dang a ṭhimi cu a nupi cungin sualnak a tuah a si; cun makmi nu a ṭhimi cu sualnak a tuah a si,” tiah a ti.

1 KORIN 5:1

Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um ṭi, an ti.

1 KORIN 7:39

Minu cu a va a nun chungah cun a luat lo, sihmanhsehlaw a va a thih ahcun a duhmi pa he i ṭhit awk kha a luat, amah belte an i ṭhitnak cu Khrihfa ṭhitumnak a si awk a si.

1 KORIN 7:4

Nu hi amah pum bawi a si lo, a pum bawi cu a va kha a si; cu bantuk ṭhiamṭhiam in pa zong cu amah pum bawi a si ve lo, a pum bawi cu a nupi kha a si.